Mga karumal-dumal na krimen ang aksyunan, 'wag puro pulitika

by Info @Editorial | February 22, 2026

Tama na ang maagang pangangampanya at bangayan sa pulitika. 

Habang abala ang ilan sa pagpapalakas ng pangalan at alyansa para sa susunod na eleksyon, may mga pamilyang nagluluksa dahil sa karumal-dumal na krimen.

May mga batang pinapatay. May mga kababaihang inaabuso. May mga inosenteng nadadamay sa karahasan. Ito ang dapat inuuna—hindi ang patutsada sa kalaban at 'di ang pagpapabango ng imahe.

Kung totoong nais ng mga lider ang tiwala ng taumbayan, patunayan nila ito ngayon. Palakasin ang seguridad. Bilisan ang imbestigasyon. Siguraduhin ang hustisya. Panagutin ang may sala.

Hindi kailangan ng mamamayan ng maagang pangako. Kailangan nila ng agarang aksyon.

Bago ang eleksyon, may buhay na kailangang iligtas, ito ang dapat unahin ngayon.