Mga CCTV sa selda ni Romualdez, hindi gumagana — Sandiganbayan

by BRT @News | November 12, 2026

Photo: File / BJMP

Natuklasan ng Sandiganbayan na walang gumaganang CCTV camera sa lugar ng selda ni dating House Speaker Martin Romualdez sa New Quezon City Jail.

Sa inspeksyon ng mga mahistrado, natuklasang 220 lamang sa kabuuang 450 CCTV camera sa pasilidad ang gumagana.

Sa bahagi naman ng kulungan para sa mga high-profile inmate, kabilang si Romualdez, 28 lamang sa 152 camera ang operational.

Ikinabahala ito ng korte, ngunit nilinaw na hindi sapat ang naturang natuklasan upang patunayang nakalabas si Romualdez sa kulungan nang walang pahintulot.

Kaugnay nito, pinagsusumite ng Sandiganbayan ang Bureau of Jail Management and Penology (BJMP) ng ulat tungkol sa mga hindi gumaganang CCTV camera sa pasilidad.