McCarthy ng Bossing, namayani kontra Maxwell ng Fuel Masters

ni Clyde Mariano @Sports | January 28 2023

Napigilan ng Blackwater Bossing ang nagbabantang panganib at tinalo ang kapwa opening game na loser Phoenix Fuel Masters sa mahigpitang laro, 108-105 sa PBA Governors Cup sa Ynares Centre sa Antipolo City kahapon.

Umiskor si Rashawn McCarthy ng apat na free throws para sa 107-105 at nakagawa si import Shawn Glover ng dalawang free throws sa foul ni Da Vuaghn Maxwell para maisalba ang laro at napigilan ang nagbabantang dalawang sunod na talo matapos yumuko sa NLEX sa Philsports Arena.

Gumawa si Glover ng double-double 31 points at 13 rebounds at itinanghal na best player of the game. May pag-asa pang maisalba ang laro at ipilit ang overtime. Subalit sumablay ang desperate tres ni Tyler Tio sa final buzzer at kunin ng Bossing ang panalo. Nakipagsabayan si Glover kay Maxwell at matagumpay niyang nadala sa panalo ang Bossing. Tumipa ang Phoenix import ng 37 points. “It was hard earned victory. Phoenix pushed us against the wall. They gallantly stood up and stubbornly refused to go down the stretch,” sabi ni coach Ariel Vanguaria.

Umiskor si Glover ng 99-98 at si Casio ay tres matapos sumablay ang Phoenix at sinundan ng dalawang free throws ni McCarthy at gumawa si Amer Baser ng dalawang free throws, 107-103 para sa panalo at biguin si bagong coach Jamikie Jarin na pumalit kay Topex Robinson.