Mayor Sara, malabong kumandidato bilang pangulo, hmmm…

ni Ka Ambo - @Bistado | December 13, 2020

May badyet para sa vaccine.

Pero, walang pondo!

◘◘◘

ANO ba ang ibig sabihin ng badyet?

Simple lang, listahan ng mga bibilhin o pagkakagastusan.

Hindi ito nangangahulugang may aktuwal na salapi o aktuwal na pondo!

◘◘◘

HABANG ginagawa ang badyet, inililista rin kung saan magmumula ang salapi o pondo na gagamitin.

Sa gobyerno, kasama sa listahan kung saan-saang mangungutang, kung saan kokolekta ng buwis at kung aling ari-arian ang isusubasta.

Future tense—ang paghahanap ng pondo, hindi ito present tense o past tense—na “mayroong nakareserbang pondo”!

◘◘◘

ISANG mapait na katotohanan ay may badyet sa bakuna—pero walang aktuwal na pondo ang gobyerno.

Kahit dumating ang bakuna ngayon, saan kukuha ng pambayad ang gobyerno?

◘◘◘

ANUMANG oras ay magsisimula nang magkaroon ng “mass vaccination” sa U.S.

Ang ‘Pinas, tatanghod muna!

◘◘◘

NAG-DELIVER na ang Pfizer ng bultu-bultong bakuna sa Canada at Britain.

Sa Pilipinas, nagpopropaganda pa lang ang gobyerno.

Ang mga Pinoy, pinagdarasal lang muna!

◘◘◘

KAKAUNTI na ang namamatay sa COVID.

Mas marami ang namamatay sa stress kasama na ang suicide at “accidental firing”!

◘◘◘

LUMALAYAS na ang mga investors mula sa Pilipinas.

Hindi malinaw kung saan kukuha ng pambayad ang bansa sa trilyun-trilyong utang sa mga susunod na taon!

◘◘◘

KAAWA-AWA ang papalit kay P-Digong sa 2022.

Magiging tagabayad lang ng utang!

◘◘◘

MALABONG kumandidato si Mayor Sara bilang pangulo.

Tulad ni Dolphy, matatakot siya kapag siya ay nanalo: Saan siya kukuha ng pambayad na inutang ng kanyang tatay?