May sugat sa dibdib... Babaeng nursing student, natagpuang patay sa bakanteng lote

ni Levi Gonzales @News | November 9, 2026

Photo: File / Rep

Isang 20-anyos na babaeng nursing student ang natagpuang patay sa bakanteng lote sa madilim na bahagi ng kalsada sa Brgy. Sapul, Calapan City, Oriental Mindoro, madaling-araw ng Sabado, Nobyembre 7.

Natagpuan ang biktima ala-1:15 ng madaling-araw na may sugat sa dibdib at nakababa ang pang-ibabang kasuotan, dahilan upang imbestigahan din ang posibilidad na dumanas ito ng seksuwal na pang-aabuso.

Gayunman, hinihintay pa ng pulisya ang pinal na resulta ng forensic examination.

Ang biktima ay residente ng Brgy. Labonan sa Bongabong, Oriental Mindoro at third-year nursing student sa St. Anthony College.

Kinondena ng paaralan ang pagpatay at nanawagan ng hustisya para sa estudyante.

Samantala, nag-alok si Bongabong Mayor Mike Malaluan ng P100,000 pabuya sa sinumang makapagbibigay ng impormasyong hahantong sa pagkakaaresto ng suspek.