May Jopay kikilatisin sa Condition Race

ni Green Lantern - @Renda at Latigo | February 18, 2022

Magpapagalingan sina My Jopay at Viva Forever sa Condition Race (18) ngayong araw sa Metro Turf, Malvar - Tanauan City sa Batangas.

Rerendahan ng dalawa sa mga mahuhusay na hinete sa Pilipinas sina My Jopay at Viva Forever na makikipagtagisan ng bilis laban sa apat na katunggali.

Sasakyan nina dating Philippine Sportswriters Association, (PSA) jockey-of-the-Year awardee Jonathan Basco Hernandez at star jockey Jeffril Tagulao Zarate sina My Jopay at Viva Forever ayon sa pagkakasunod.

May distansiyang 1,400 meter race, mapapalaban sina My Jopay at Viva Forever laban sa ibang kalahok na Forest Cover, Moves Like Jagger, A.P. Factor at Biglang Buhos.

Komento ng mga karerista, kahit anim lang ang magbabanatan sa karera ay nakatitiyak silang magandang laban ang kanilang masisilayan sapagkat lahat ng kalahok ay mahuhusay. "Magandang laban sigurado ang mapapanood, kaya dapat mapag-aralan ng mabuti kung sino ang pipiliing kabayo," sabi ni Jessie Valderama, veteran karerista.

Maliban sa karera, inaasahang aabangan din ng mga karerista ang labanan ng mga tigasing batang kabayo sa 3-Year-Old & Above Maiden Race na pakakawalan sa pangatlong karera.

Posibleng makakuha ng malaking suporta sa mga karerista sina Fire Wind at Smart Bell sa distansiyang 1,400 meter race. Nakalaan ang added prize na P10,000 para sa mananalong 3-year-old horse ay sina Great Mpire, El Kapitan, Kahit Sino Ka Pa, Galloping Ghost, Lucky N Load, Smarty Jas, Matukad Island, Mantigue Island at Book Of Joy.

Samantala, pitong balanseng karera ang inihain ng Metro Manila Turf Club Inc. (MMTCI) na suportado ng Philippine Racing Commission, (PHILRACOM) sa pamumuno ni chairman Reli De Leon.

Mga Pili ni Green Lantern:

Race 1. Pamato (1), Kid Kenshin (3)

Race 2. Manila Boy (6), Kungfu Karatu (11), Great Connection (9)

Race 3. Fire Wind (7), El Kapitan (2), Smart Bell (8)

Race 4. Goldbar (10), Extremely Tough (4), Jersy Savings/Ultimate Cat (5/5A)

Race 5. Early Bird (1), Born In April (5), Top Attraction (3)

Race 6. My Jopay (1), Viva Forever (4)

Race 7. Manang Biday (7), Mutya Ng Lucban (14), Biktori (9)

Patok - Pamato,

Pandehado - Early Bird, Manang Biday