Mas magaling si Super Tekla kay Vice Ganda dahil totoo siyang lalaki pero napaniwala ang mga...

Pinoy na siya ay bading!!!

ni Ka Ambo - @Bistado | October 26, 2020

Korup daw ang mga taga-DPWH.

Ngayon lang ninyo nalaman?

◘◘◘

Wala raw ebidensiya laban kay Sen. Leila de Lima sa kasong illegal drugs.

Ito ay ayon sa kanyang abogado!

◘◘◘

Ang pagbaba raw ng bilang ng mga tinatamaan ng COVID ay hindi dahil sa pagtigil ng Red Cross sa testing.

Weh, ‘di nga?

◘◘◘

Binuksan na nang 100 percent ang mga hotel.

Buhay na muli ang mga “kalapating mababa ang lipad”!

◘◘◘

Hindi raw totoo ang sinabi ni Pope Francis na payag ang Simbahang-Katolika sa civil union.

Sino ang sinungaling: Ang Santo Papa o ang spokesman ng gobyerno?

◘◘◘

Ibinabala ang pananalasa ng Bagyong Quinta.

Ingat po, simot na ang calamity fund!

◘◘◘

Naka-quarantine si VP Leni.

Ano naman kaya ngayon ang dasal ni Senate President Tito Sotto?

◘◘◘

Inirereklamo ang komedyanteng si Super Tekla ng kanyang dating ka-live in.

Mas lalo pa siyang sumikat!

◘◘◘

Sa totoo lang, si Super Tekla ay dapat bigyan ng parangal.

Siya ang tanging komedyante na nagpasaya sa publiko sa panahon ng pandemic!

◘◘◘

Nakakasawa, nakakabunsol at boring na ang ibang komedyante.

Paulit-ulit kasi ang estilo at diskarte.

Orihinal ang estilo ni Super Tekla!

◘◘◘

Kung bibigyan lang siya ng oportunidad, maaaring talunin niya sa kasikatan si Vice Ganda.

Silang dalawa ang talagang magkatapat—ala Nora-Vilma at Susan-Amalia!

◘◘◘

Magkakontra ang “beauty” nina Vice Ganda at Super Tekla.

Isang bakla kontra sa nagba-bakla-baklaan lang.

Kung pag-a-artista ang pag-uusapan, mas mahusay si Super Tekla.

Totoo siyang lalaki, pero napaniwala niya ang publiko na siya ay bading!