Mas lamang ang kandidato na may pinag-aralan kaysa sa mga puro pramis lang!

ni Pablo Hernandez III - @Prangkahan | March 5, 2022

YORME ISKO, BAKA TALUNIN PA NINA BBM AT LENI SA MAYNILA–Noong Pebrero 20, 2022 ay dinagsa ng mga taga-Maynila ang caravan ni presidential candidate, former Sen. Bongbong Marcos at kamakalawa, Marso 2, 2022 ay dinagsa rin ng mga taga-Maynila ang political rally ni VP Leni.

Sa totoo lang, masamang pangitain ‘yan kay presidential candidate, Mayor Isko Moreno kasi hindi nila solid na makuha ang Maynila at talunin pa siya nina BBM at Leni sa sarili niyang balwarte, boom!

◘◘◘

MGA KANDIDATO, KULANG NA LANG IPANGAKO ANG BUWAN AT BITUIN, IBOTO LANG–Malaki ang paniniwala ni vice-presidential candidate, Sen. Vicente “Tito” Sotto na mas iboboto ng mga wise voters ang mga kandidatong napag-aralan nang matagal ang mga suliranin ng gobyerno kaysa sa mga kandidatong pati buwan at bituin ay ipinapangako makuha lang ang boto ng mga botante.

May punto si TitoSen kasi ang ibang kandidato ay kung anu-anong imposibleng pangako ang ipinapangako sa mga botante, pero kapag naluklok na ay hindi naman alam ang gagawin kung paano ipatutupad ang kanilang mga campaign promise, boom!