Mas ‘inclusive’ na estratehiya, kailangan ng mga PWD — CHR

ni Angela Fernando @News | Dec. 18, 2024

• 

Photo: FP / PWD

Nanawagan ang Commission on Human Rights (CHR) nitong Miyerkules para sa mas inclusive na estratehiya upang mapangalagaan ang karapatan ng mga taong may kapansanan o persons with intellectual disabilities (PWD) kasunod ng desisyon ng Korte Suprema na muling kilalanin ang kanilang kakayahang magbigay ng testimonya sa korte.

Sa isang pahayag, binigyang-diin ng CHR na mahalaga ang paggamit ng inclusive na pamamaraan upang maipatupad ang reporma sa sistema ng hustisya at ma-integrate ang human rights-based perspective sa legal na balangkas.

Iginiit ng CHR na kinakailangan ito sa lahat ng aspeto ng lipunan upang ganap na kilalanin at igalang ang dignidad ng mga may kapansanan, kabilang ang pagbibigay ng mas maayos na oportunidad para sa edukasyon, trabaho, at social protection.