Mangingisda mula Zambales nakiisa sa kilos-protesta

by Jeff Tumbado @News | October 16, 2026

Nakiisa ang mga maliliit na mangingisda mula sa Zambales sa protesta ng Amihan Federation of Peasant Women (AFPW) sa harap ng Department of Environment and Natural Resources (DENR) sa Visayas Avenue, Quezon City nitong Huwebes, Oktubre 15, kasabay ng paggunita sa ika-18 International Rural Women’s Day ng United Nations (UN).

Binigyang-diin sa protesta ang kanilang mga pangamba sa umano’y pakikialam ng militar ng Estados Unidos sa mga komunidad sa baybayin ng Zambales, partikular sa Subic.