Maluwag na ulit ang EDSA, takot lang ng mga motorista sa COVID variant

ni Ka Ambo - @Bistado | January 22, 2021

Nagpaturok na ng moderna vaccine ang ambassador ng Pilipinas sa U.S.

Mauuna rin siyang makatikim ng side-effects.

Obserbahan muna natin siya!

◘◘◘

Hindi raw alam ni P-Digong ang pagkansela ng UP-DND Agreement sa panghihimasok ng mga sundalo sa kampus.

Huh, hindi na naman niya alam?

Nakakahalata na me, ha?

◘◘◘

Nag-positive ang 11 katao na nakasalamuha ng mga Pinoy na unang nagkaroon ng bagong COVID variant.

Kino-contact naman ngayon ang nakasalamuha ng 11 katao na nahawa ng bagong COVID variant!

◘◘◘

Malamig ang klima kaya’t maaaring dumami ang mahahawahan ng bagong variant.

Pero pagbabalik ng init, patay ang virus kay Haring Araw!

◘◘◘

Maluwag na ang trapik sa EDSA.

Natakot ang mga motorista sa bagong COVID variant!

◘◘◘

Malabong magbalik pa ang dating normal.

Tanggapin nating nagsisimula ang abnormal na henerasyon!

◘◘◘

Abnormal na ang sitwasyon ng daigdig pagsapit ng 2022.

Siyempre, para malutas ang krisis, kailangang magwagi bilang pangulo ng Republika ang isa ring abnormal!

◘◘◘

Marami ang nababaliw sa pagsusugal sa stock exchange at foreign currency transactions.

Delikado kayong ma-scam!

◘◘◘

Biglang naramdaman ang matumal na merkado ngayong Enero.

Inaasahang gagrabe ito sa pagpasok ng Pebrero!

◘◘◘

Masasaksihan natin ang unang school graduation nang hindi kailanman pumasok ng school campus ang estudyante at titser.

Graduation sa 2022 ng first batch ng mga abnormal!

◘◘◘

Mag-aaway pa rin ang mga parents and titser sa pagpili ng top abnormal sa klase.

Mayroon din pa kayang palakasan system?

◘◘◘

Tatabo ng kita ang mga school owner kasi tumabao sila ng matrikula nang hindi nagagamit ang mga pasilidad at gusali.

Wala bang refund?