Make Or Break, babanat ng bilis sa 2-YO Maiden Race

ni Green Lantern - @Renda at Latigo |October 13, 2022

Gagabayan ni dating Philippine Sportswriters Association, (PSA) Jockey of the Year awardee Jessie Guce si Make Or Break na makikipagtagisan ng bilis sa 2-Year-Old Maiden Race ngayong araw sa Metro Turf, Malvar - Tanauan City, Batangas.

Magsasanib puwersa sina class A rider Guce at Make Or Break para makipagkarerahan kina Top Posse, Mustang Sally, Rendevouz at Axis Deviation sa distansiyang 1,200 meter race.

Komento ng mga karerista sa social media, mahirap mag-single bet sa nasabing lineup dahil mga batang kabayo kaya malamang dalawa hanggang tatlong kabayo ang kanilang pipiliin para sa tatayang Pick 6 na magsisimula sa Race 1.

Posibleng maging mahigpit na karibal ni Make Or Break ang kalahok na Top Posse at Axis Deviation ayon sa ibang mga karerista.

Nakalaan ang P20,000 karagdagang premyo para sa winning horse owner sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, walong races ang pakakawalan ng Metro Manila Turf Club Inc. (MMTCI) kaya tiyak na maligalig ang mga karerista sa kaniilang paglilibang.

Tiyak din na malaking suporta sa mga karerista ang bakbakan ng anim na mahuhusay na kabayo sa Condition Race Merged na ilalarga sa pangalawang karera.

Malalaban sa distansiyang 1,200 meter race sina Elegant Lady, Dugong Bughaw, Eutychus, Eyeshot, Eye Opener at Prettiest Star.

Mga Pili ni Green Lantern:

Race 1 - Make Or Break (4), Axis Deviation (5)

Race 2 - Eye Opener (5), Prettiest Star (6)

Race 3 - Sun Moon Lake (8), Mettle Strength (6), Wishful Thinking (3)

Race 4 - Diez Catorce (5), Yabba Dabba Doo (4), Adarna (2)

Race 5 - Determinado/Waray Na Mayda Pa (4/4A), Wild Act (6), My Dear Magnolia (7)

Race 6 - Namayan/Calbayog (2/2A), Silab (7)

Race 7 - Heavenly Star/Kissing Bandit (2/2A), Marangal (3)

Race 8 - Bishop Blue (10), Cinderella (8), No Regret (7), Amelia (3)