Mainlander mapapalaban

ni Green Lantern - @Renda at Latigo | February 26, 2022

Makikilatis ang husay ni Mainlander ngayong araw pagsalang nito sa 3-Year-Old & Above Maiden Race na ilalarga sa San Lazaro leisure Park sa Carmona, Cavite.

Gagabayan ni jockey Rodeo Fernandez, makikipagtagisan ng bilis si Mainlander kontra anim na tigasing kalahok sa distansiyang 1,400 meter race.

Komento ngayon sa ibang karerista sa social media na inaasahang mabibigyan ng laban si Mainlander sa mga kalahok na Meghan Maxene na sasakyan ni former Philippine Sportswriters Association, (PSA) Jockey-of-the-Year awardee Jessie B. Guce at Aliassime na rerendahan naman ni class A rider JA Guce.

Ang ibang kalahok sa event na suportado ng Philippine Racing Commission, (PHILRACOM) sa pamumuno ni chairman Reli De Leon ay ang Solution, Reest Baby, Tan Goal Too at Smart Ise.

"Mahusay talaga si Mainlander pero sigurado mapapalaban siya kina Meghan Maxene at Aliassime kaya hindi ko magsi-single bet diyan baka magdalawa ako dyan sa gagawin kong winner take all," saad ni Bernie Legaspi, karerista.

Kukubrahin ng winning 3-year-old horse ang added prize na P10,000.

Inaasahang aabangan din ng mga karerista ang bakbakan ng mga matitikas na kabayo sa PHILRACOM Rating Based Handicapping System na pakakawalan sa race 6.

Posibleng magdomina sa bentahan ang mga kalahok na sina Gossips at Exceptional Gee sa distansyang 1,400 meter race. Ang ibang kasali ay sina Rio De Janeiro, Eunice at Aiah, Exceptional, Polloc Island at Kisskissbangbang.

Samantala, pitong balanseng karera ang ikakasa ng Manila Jockey Club Inc. (MJCI) ngayong araw kaya naman tiyak na masisiyahan ang mga karerista.

Race 1. Rockaway (5), Yes Kitty (3), Run And Gun/Batan Island (4/4A)

Race 2. Mainlander (5), Meghan Maxene (2)

Race 3. Regan Bell (2), Coastal Road (3), Mythic Layla (14)

Race 4. California King (6), Darna (4)

Race 5. Spunk Attack (4), Thunder Maxx (3), Hook N Dancer (10)

Race 6. Gossips (7), Exceptional Gee (6)

Race 7. Arrogante (8), Street Smart/Big Bertha (9/9A), Cats Wonderful (4)

Mga Pili ni Green Lantern:

Patok - Mainlander, California King

Pandehado - Arrogante