Maguindanao, niyanig ng magnitude 5.9 na lindol

ni Lolet Abania | August 13, 2022

Naitala ng Philippine Institute of Volcanology and Seismology (PHIVOLCS) ang magnitude 5.9 na lindol sa Datu Blah T. Sinsuat sa Maguindanao ngayong Sabado ng hapon.

Sa kanilang ikalawang bulletin, itinaas ng PHIVOLCS ang magnitude level ng lindol sa 5.9 mula sa 5.8 na unang naitala at kabilang na rito ang maraming lugar na naramdaman ang pagyanig.

Ayon sa PHIVOLCS, ang epicenter ng lindol ay nasa 31 kilometro southwest ng Datu Blah T. Sinsuat sa Maguindanao na tumama alas-2:25 ng hapon. Habang ang tectonic na lindol ay may lalim na 1 kilometro.

Kabilang sa mga nai-report na intensities na naramdaman sa mga sumusunod na lugar:

Intensity V -- Datu Blah Sinsuat, South Upi, at Upi, Maguindanao; Cotabato City; Esperanza, Lebak, Palimbang, Kalamansig, Sen. Ninoy Aquino, at Bagumbayan, Sultan Kudarat.

Intensity IV -- General Santos City; Zamboanga City; Pagadian City; Isabela City, Basilan; Antipas, Alamada, Tulunan, Pigcawayan, Kabacan, at Banisilan, Cotabato; Koronadal City, Tupi, Polomolok, Santo Niño, Surallah, Tampakan at Banga, South Cotabato; Kiamba at Maitum, Sarangani; Lutayan at Isulan, Sultan Kudarat; Datu Odin Sinsuat at Sultan Kudarat, Maguindanao.

Intensity III -- Ozamiz City; M'lang, Makilala, at Tantangan, Cotabato; Norala, South Cotabato; Pres. Quirino at Columbio, Sultan Kudarat; Maasim, Sarangani; Pitogo atd Labangan, Zamboanga del Sur; Liloy, Zamboanga del Norte; Siay, Zamboanga Sibugay

Intensity II -- Dipolog City; Cagayan de Oro City; Davao City; Kidapawan City; El Salvador City; Aleosan, Cotabato; Don Carlos, Cabanglasan, at Valencia City, Bukidnon; Malapatan at Malungon, Sarangani; Lambayong, Sultan Kudarat; Leon B. Postigo, Siayan, Sindangan, Gutalac, Tampilisan, Zamboanga del Norte; Ipil, Zamboanga Sibugay; Tubod, Lenamon, Balo-i, Kauswagan, Bacolod, Maigo, Lala, Kapatagan at Iligan City, Lanao del Norte

Intensity I -- Dapitan City; Malitbog at Libona, Bukidnon; Initao, Misamis Oriental.

Ayon pa sa PHIVOLCS, asahan na ang pinsala at aftershocks matapos ang lindol.