LPA, namataan sa Virac, Catanduanes

ni Lolet Abania | August 26, 2022

Isang low pressure area (LPA) ang namataan habang magdudulot ito ng kalat-kalat na mga pag-ulan at thunderstorms sa buong Bicol Region, Eastern Visayas, at Quezon Province, ayon sa report ng PAGASA ngayong Biyernes ng hapon.

Base sa 4PM weather forecast ng PAGASA, ang LPA ay namataan sa layong 135 kilometro east-northeast ng Virac, Catanduanes ng alas-3:00 ng hapon.

Babala ng PAGASA, makararanas ng katamtaman hanggang sa paminsan-minsang malakas na mga pag-ulan dala ng LPA na maaaring magdulot ng mga flash floods o landslides.

Asahan na ang natitirang bahagi ng bansa ay makararanas ng bahagyang maulap hanggang sa maulap na papawirin na may isolated na mga pag-ulan at dahil na rin sa Intertropical Convergence Zone (ITCZ) at localized thunderstorms.

“Luzon could expect light to moderate winds from the northeast to northwest with slight to moderate coastal conditions, while the rest of the country would experience light to moderate winds from the east to northeast with slight to moderate coastal water conditions,” ayon pa sa PAGASA.