Liza ng BlackPink na dating No. 1, No. 5 na lang… ANDREA, MOST BEAUTIFUL SA BUONG MUNDO

ni Vinia Vivar @Frankly Speaking | Dec. 30, 2024

Photo: Andrea Brillantes - Instagram BJ Pascual

Pinatunayan ni Andrea Brillantes na siya ang pinakamaganda sa buong mundo ngayong 2024.

Ito ay matapos manguna ang aktres sa “The 100 Most Beautiful Faces 2024” na inilabas ng TC Candler last Saturday.

Mapapanood sa YouTube (YT) channel ng TC Candler ang lahat ng kasama sa 100 Most Beautiful Faces 2024 at sa pinakadulo ay makikita si Blythe na No. 1. Ilang minuto nga lang pagkatapos ilabas ng TC Candler ang list ay nag-No. 1 trending na ang aktres sa X (dating Twitter).

Needless to say, tuwang-tuwa ang mga fans ni Blythe sa bagong milestone na ito ng kanilang idolo bago matapos ang taon.

“This marks the second time in history that a Filipina has achieved this recognition. Liza Soberano has been crowned the Most Beautiful Face in twenty seventeen, and now we celebrate our Blythe for twenty twenty-four! Mabuhay Andrea! Mabuhay Filipinas!” pagmamalaki ng isang avid fan ni Andrea.

“Ba’t ako naiiyak, sobrang deserve mo to Blythe!” sey naman ng isa pa.

“And she nailed it! Congratulations to Andrea Brillantes for being the top 1 on TC CANDLER 100 Most Beautiful this year. SHE’S REALLY A QUEEN,” ang tweet naman ng isa pang tagahanga.

Taun-taon ay naglalabas ang TC Candler ng kanilang list ng 100 Most Beautiful Faces at 100 Most Handsome Faces.

“Over 50 countries are represented on the annual list. That number seems to go up every year as the public participation grows and expands. This diversity relies heavily on public suggestions from almost every corner of the globe,” ang pahayag ng TC Candler.

“Aesthetic perfection is only one of the criteria. Grace, elegance, originality, daring, passion, class, poise, joy, promise, hope… they are all embodied in a gorgeous face,” saad pa nito.

Pumapangalawa kay Andrea ang South Korean member ng girl group na Blackpink na si Jisoo at No. 3 naman ang Canadian-American chess player na si Andrea Botez.

Bukod kay Andrea ay anim pang Pinay celebrities ang nakapasok din sa 2024 list ng TC Candler. Kasama sa listahan si Janine Gutierrez (28th), Liza Soberano (31th), Belle Mariano (52nd), Ivana Alawi (69th), Gehlee Dangca ng K-Pop girl group na UNIS (82nd), at si Aiah Arceta ng BINI (88th).

Last year ay matatandaang ang South Korean singer at former member ng Momoland na si Nancy Jewel McDonie ang No. 1 sa nasabing annual list habang nasa No. 16 naman si Andrea. 

Pasok pa rin naman si Nancy sa Top 10 at nasa pang-limang puwesto siya this year.

Ito ang pangalawang taon na nakasama sa list si Blythe at nakakatuwa na on her 2nd year ay siya na ang Top 1.

---

Mr. Pure Energy, na-dehydrate, naospital…

BAYAD SA TIKET SA 1ST DAY NG CONCERT NI GARY V., IBABALIK

Naglabas na ng official statement ang team ni Gary Valenciano hinggil sa refund na hinihingi ng ilang concertgoers na dumalo sa unang gabi ng concert ni Mr. Pure Energy last December 20 sa Smart Araneta Coliseum.

Ayon sa statement na ipinost ng team ni Gary sa Facebook (FB), ibabalik nila ang pera ng mga bumili ng ticket.

“We would like to apologize to all who attended Day 1 of Gary V. Pure Energy: One More Time held on December 20 at Smart Araneta Coliseum. Your trust and support matter to us and we regret to hear that some of you felt disappointed, or shortchanged,” simula ng statement.

Anila ay hindi rin nila inaasahan ang nangyari dahil sa ilang dekada ni Mr. Pure Energy sa concert ay first time raw nangyari na hindi nito natapos ang show.

“The decision to cut the concert short was not made lightly. This is the first time it has ever happened in Gary’s decades-long career. Gary has always given his all in every performance, and the December 20th incident was a shock to all of us. Our bodies can only take so much, and so we made the decision to put his health first,” paliwanag ng Team Gary.

Kung sinuman daw ang nais na humingi ng partial refund ay mag-e-mail lang sa kanila.

“We understand and respect that many of you were disappointed with the concert not meeting your expectations. If you feel you did not get the concert value you paid for and wish to request a partial refund, please reach out to us directly at TICKETS@GARYV.COM as we are currently discussing the mechanics with the Ticketnet PH management. 

“All email inquiries regarding this matter will be processed from JAN 2- JAN 31, 2025, Monday thru Friday from 10AM- 5PM. Wishing you and your families a blessed year ahead,” pahayag nila.

Matatandaang hindi natapos ni Gary V. ang kanyang concert last Dec. 20 dahil nagkaroon siya ng medical emergency. Sumama ang kanyang pakiramdam at nakita rin naman ng audience, na talagang nahihirapan siya sa pagpe-perform.

Ayon naman sa misis ni Gary na si Angeli Pangilinan ay na-dehydrate raw ang mister kaya nanghina.

“Don’t worry, guys. Gary is okay, just dehydrated. He vomited about 8 times today. But I am here with him and he’s just weak. A Type 1 diabetic goes through serious medical issues and we couldn’t afford what we call diabetic ketoacidosis so we are making sure he balances everything in a while,” ang paliwanag ni Angeli sa Facebook (FB) matapos ang concert.

Bagama’t medyo mahina pa ay sinipot ng OPM icon ang Day 2 ng kanyang concert last December 22 and thankfully ay kinaya naman niyang mag-perform at tapusin ang show.