Lalaki, pinagsasaksak ng bayaw habang tulog

by Levi Gonzales @News | September 19, 2026

Photo: File

Sugatan ang isang lalaki matapos umanong pagsasaksakin ng kanyang bayaw sa LMI Site, Brgy. Kumintang Ibaba, Batangas City. Batangas.

Ayon sa ulat, ala-1:30 ng madaling-araw natutulog ang biktimang si alyas Jun, may sapat na gulang, sa kanilang bahay nang pagsasaksakin umano siya ng suspek na si "Jessie,” na sinasabing nasa impluwensiya ng alak.

Ilang saksak ang tinamo ng biktima sa katawan at agad naman siyang isinugod sa pagamutan ng isang kaanak.

Sumuko naman sa pulisya ang suspek habang inaalam pa ang motibo sa insidente.