Lakas ng tatlo 3x3, sa mall ang balik laro

ni GA - @Sports | May 21, 2022

Magbabalik ang aksyon at bakbakan ng PBA 3X3 “Lakas ng Tatlo” ngayong araw para sa first leg sa 3rd conference sa Robinsons Magnolia na paglalabanan ng 14 na koponan.

Ito ang magiging kauna-unahang beses na sasabak sa mall ang season-ending conference na unang nasaksihan sa Ynares Sports Arena sa Pasig City at sa Smart Araneta Coliseum sa Quezon City, kung saan nagkaroon ng dalawang kampeon sa nagdaang komperensiya na Limitless App Masters at Pioneer Pro-Tibay. “We'll be bringing the PBA 3x3 to the malls in the Third Conference as we bring the games closer to basketball fans,” pahayag ni PBA 3x3 chairman Richard Bachmann ng Converge.

Nadagdagan ng isang koponan ang naunang 13 team sa pagbabalik ng Zamboanga Valientes matapos magdesisyong magpahinga muna sa 2nd conference.

Dahil sa pagdami ng teams, hinati sa apat na grupo ang mga ito na mananatiling top 2 ang aabanse sa quarterfinal round. Makakasama ng top seed na TNT Tropang Giga na pamumunuan ni league best scorer Almond Vosotros, Samboy de Leon, Chris Exciminiano, Gryann Mendoza at Lervin Flores ang Pool A kasama ang Terrafirma (Jeremiah Taladua, Jebb Bulawan, Shaq Alanes, Sandy Cenal, at Red Cachuela); Brgy. Ginebra (Mikey Cabahug, Martin Gozum, Dennice Villamor, Leo De Vera, Mac De Joya at Allen Enriquez; at Valientes (Jeffry Bernardo, Jerom Ferrer, Darwish Bederi, Reed Juntilla, Job Alcantara at Jonathan Belorio).