Lady Zip at Celebrity lalarga sa Handicapping

ni Green Lantern - @Renda at Latigo | August 26, 2022

Mapapalaban sina Lady Zip at Celebrity sa pagsalang nila sa PHILRACOM Rating Based Handicapping System na ilalarga ngayong araw sa Metro Turf, Malvar - Tanauan City, Batangas.

Parehong markado sa mga karerista sina Lady Zip at Celebrity na rerendahan nina Jericho Serrano at Conrad Henson ayon sa pagkakasunod sa distansiyang 1,200 meter race.

Makakatagisan nila ng bilis ang ibang kalahok na sina Shining Bullet, Don't Stop Believin, Bagay Na Bagay at Jade's Treasure.

May added prize na P25,000 na ikakalat sa unang apat na kabayong tatawid sa meta habang kukubrahin ng winning horse owner ang karagdagang premyo na P5,000.

Isa pang aabangan ng mga karerista ay ang banatan ng 7 kabayo sa Condition Race Merged na ikakasa sa unang karera.

Makikilatis ang tikas ni Hook The Hustler na sasakyan ni jockey CM Pilapil sa karerang may distansiyang 1,200 meter race.

Ayon sa mga karerista inaasahang mapapalaban si Hook The Hustler kina Eye Opener at Top Attraction na sasakyan ni dating Philippine Sportswriters Association, (PSA) Jockey of the Year awardee Patricio Ramos Dilema.

Ang ibang kalahok sa event na suportado ng Philippine Racing Commission, (PHILRACOM) sa pamumuno ni chairman Reli De Leon ay sina Born In April, Biglang Buhos, Stravinsky, Double Happiness.

Samantala, 7 races ang inihain ng Metro Manila Turf Club Inc. (MMTCI) ngayong araw, lahat ay suportado ng Philippine Racing Commission, (PHILRACOM).

Mga Pili ni Green Lantern:

Race 1 - Lady Zip (3), Celebrity (6)

Race 2 - Kathy N Alice (6), Bullet (5)

Race 3 - Viva Forever (2), Bacuit Bay/Prime Time Magic (6/6A), Batas Kamao (5)

Race 4 - Antique Collector (6), Siquijor (4), Diez Catorce (2)

Race 5 - Hook The Hustler (2), Born In April (1), Top Attraction (5)

Race 6 - Arubaitosan (3), My Sharona (2)

Race 7 - Stripe Of Pink (1), Basket Of Gold (7), Doctor Amorette (8)