Lady rider, hinoldap ng riding-in-tandem, motor tinangay

ni Benjamin Chavez @News | September 5, 2026

Photo: Lady rider hinoldap ng riding in tandem sa Sta. Rosa - CCTV Sta. Rosa CCPS - ABS-CBN / Circulated / SS

Hinoldap ng dalawang hindi nakikilalang mga suspek ang isang lady rider, na sumilong dahil sa ulan alas-12:50 ng hatinggabi sa Masiit, Brgy. Labas, Santa Rosa City, Laguna.

Kinilala ng mga tauhan ng Santa Rosa Component City Police Station ang biktima na si alyas Crisel, 37, ng Brgy. Pook, Santa Rosa City, Laguna. Habang ang mga suspek ay dalawang lalaki na sakay ng isang motor.

Sa inisyal na imbestigasyon, nakaparada ang biktima sa gilid ng kalsada dahil sa ulan nang lapitan ng mga suspek.

Tinutukan ang biktima ng baril at sapilitang kinuha ang kanyang motorsiklo, bag na naglalaman ng ID at pera, saka nagsitakas.