La Niña phenomenon, magtatapos na sa Pebrero – PAGASA

ni Lolet Abania | January 12, 2023

Inaasahan na magtatapos ang La Niña phenomenon pagdating ng Pebrero, ayon sa PAGASA ngayong Huwebes.

Sa isang televised public briefing, sinabi ni PAGASA senior weather specialist Chris Perez na sa Pebrero at mga susunod pa ang bansa ay maaaring makaranas na ng normal weather conditions.

“Sa ngayon, ang nakakaapekto sa atin ay ‘yung tinatawag nating La Niña kung kaya’t ‘yung ilang bahagi ng ating bansa ay nakararanas ng near to above normal na rainfall during the previous and the current month,” pahayag ni Perez.

“At inaasahan nating itong La Niña posibleng magtapos sa buwan ng Pebrero at onwards ay makakaranas tayo ng neutral… or normal climate condition,” dagdag ni Perez.

Ayon sa PAGASA, “The La Niña phenomenon is characterized by unusually cool ocean surface temperatures in the Central and Eastern Equatorial Pacific (CEEP).”

“It increases the likelihood of having above normal rainfall conditions that could lead to potential adverse impacts such as heavy rainfall, floods, flashfloods and landslides over highly vulnerable areas, sabi pa ng PAGASA.

Binanggit naman ni Perez na wala pang nakikita ang PAGASA na mga senyales ng El Niño subalit patuloy ang ahensiya sa kanilang monitoring.

Ngayong Enero, ayon kay Perez, nasa 0 hanggang 1 cyclone ang inaasahang papasok sa Philippine Area of Responsibility (PAR).

Aniya pa, hindi naman isinasantabi ng PAGASA ang posibilidad ng mas maraming mga low pressure areas (LPAs) na made-develop sa bansa ngayong buwan.