Kulong at multa sa mag-aasikaso sa kasal ng menor-de-edad

ni Atty. Persida Rueda-Acosta @Magtanong Kay Attorney | Enero 26, 2023

Dear Chief Acosta,

Narinig ko na nag-uusap ang aking anak at kanyang kaklase na parehong menor-de-edad. Nagulat ako nang malaman ko na ang nasabing kaibigan ng aking anak ay ikinasal noong nakaraang linggo at ang kanyang ama mismo ang nag-asikaso ng lahat upang matuloy ang nasabing kasal. Nabahala ako at nais kong malaman kung may nalabag bang batas sa nangyari? Maraming salamat. -Otel

Dear Otel,

Ang sagot sa iyong katanungan ay matatagpuan sa Seksyon 4 (a) ng Republic Act (R.A) No. 11596, “An Act Prohibiting the Practice of Child Marriage and Imposing Penalties for Violations Thereof”, kung saan nakasaad na:

“Section 4. Unlawful Acts. – The following are declared unlawful and prohibited acts:

(a) Facilitation of Child Marriage. – Any person who causes, fixes, facilitates, or arranges a child marriage shall suffer the penalty of prison mayor in its medium period and a fine of not less than Forty thousand pesos (P40,000.00): Provided, however, That should the perpetrator be an ascendant, parent, adoptive parent, step parent, or guardian of the child, the penalty shall be prision mayor in its maximum period, or fine of not less than Fifty thousand pesos (P50,000.00), and perpetual loss of parental authority: Provided, further, That any person who produces, prints, issues and/or distributes fraudulent or tampered documents such as birth certificates, affidavits of delayed registration of birth and/or foundling certificates for the purpose of misrepresenting the age of a child to facilitate child marriage or evade liability under this Act shall be liable under this section, without prejudice to liability under other laws: Provided, finally, That if the perpetrator is a public officer, he or she shall be dismissed from the service and may be perpetually disqualified from holding office, at the discretion of the courts.”

(b)

Ayon sa nasabing probisyon ng batas, may mga gawain o aksyon na ikinokonsiderang ipinagbabawal at labag sa batas tulad ng pagiging sanhi, pag-aasikaso o pag-aayos ng kasal ng isang menor-de-edad. Sa nabanggit mong sitwasyon tungkol sa ginawa ng ama ng kaibigan ng iyong anak, maituturing na nagkaroon ng paglabag sa batas dahil sa akto ng pag-aasikaso ng kasal ng menor-de-edad. Kung mapatutunayan ito, siya ay maaaring maparusahan ng pagkakakulong at maatasan na magbayad ng multa alinsunod sa R.A. No. 11596.

Sana ay nabigyan namin ng linaw ang iyong katanungan. Ang payo na aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.