Kelot nag-amok sa eroplano, arestado

ni Ejeerah Miralles (OJT) | March 8, 2023

USA — Arestado ang isang lalaki noong Linggo, matapos umanong i-disarm ang pintuan ng eroplano habang nasa himpapawid at pagtangkang pananaksak sa isang flight attendant.

Nakilala ang suspek na si Francisco Severo Torres, 33, pasahero ng United Airlines patungong Boston.

Ayon sa imbestigasyon, nakatakdang lumapag ang eroplano wala pang isang oras nang matuklasan ng isang cockpit crew na nadisarmado ang pintuan. Nadiskubre naman ng isang flight attendant na nagalaw nga ang lock handle.

Naghinala ang mga crew na si Torres ang suspek dahil una nila itong nakita na 'di mapakaling naglalakad sa pintuan ng eroplano. Agad nilang kinompronta si Torres, na siya namang inatake ang biktima sa leeg gamit ang sirang metal na kutsara nang 3 beses.

Dahil sa nasabing pag-aamok, nahatulan ang suspek ng Department of Justice (DOJ) sa parusang pagkakakulong hanggang limang taon at multa hanggang $250,000.

Samantala, ipinapalagay pa rin ng DOJ ang pagka-inosente ni Torres. Banned na rin ang suspek sa pagsakay sa United Airlines.