Kaya todo-pasosyal… KYLINE, UMAARTE LANG DAW NA MASAYA PERO MALUNGKOT SA BREAKUP NILA NI KOBE

ni Nitz Miralles @Bida | May 7, 2025

Photo: Kyline Alcantara - IG

Ang tindi ng galit ng ibang mga netizens kay Kyline Alcantara na pati pagbabakasyon nito sa El Nido kasama ang mga kaibigan ay big deal sa kanila.

Umaarte lang daw na masaya ang Kapuso actress sa harap ng mga tao, pero kapag siya na lang mag-isa, malungkot ito sa nangyari sa relasyon nila ni Kobe Paras.

May kinuwestiyon naman ang mga kasama ni Kyline sa El Nido, hindi raw usual na nakakasama niya at parang mga bagong kaibigan lang. 

May nagsabi namang tuloy ang pagpapakasosyal niya dahil lang sa mga kaibigan, lugar

---

Naka-private na ang Instagram (IG) account ni Mayeth Malca, ang girlfriend ni Ricky Davao. Ang close friends na lang niya ang puwedeng maka-access sa kanyang account.

Ang last post ni Mayeth na nabisita namin ay nang i-post ang tattoo na “Bubba” at initial na “R and M.” 

Ang caption nito: “My Bubba’s handwriting inked on me forever. Sama with our first names’ initials, R and M. Mahal kita, @rickyad sobra-sobra. Miss na kita.”

Ang TikTok account na lang ni Mayeth ang open, doon lang ninyo siya i-check at sorry na lang sa walang TikTok account. 

Sayang, may mga posts si Mayeth sa naging relasyon nila ni Ricky at noong time na may sakit na ito at nabanggit ni Mayeth kung gaano nito katapang hinarap ang sakit.

Hopefully, sa mga darating na araw, i-open ni Mayeth ang IG account niya at kahit wala na si Ricky Davao, maganda pa ring basahin ang kanyang mga posts.

---

PATI si Jessy Mendiola, napa-react at nalungkot sa trahedyang nangyari sa NAIA T1 at dahil doon, nanawagan ito ng mabilisang pagbabago sa airport. 

Sa kanyang Instagram (IG) story, ini-repost ni Jessy ang video ng nangyari sa airport na ikinasawi ng isang bata at isang adult male na breadwinner pa naman ng pamilya.

Sey ni Jessy, “Let this be a lesson to be more careful and responsible when you are behind the wheel. And maybe, this is a sign that we need to fix/change our airport. I believe that the driver is at fault. But let’s not deny the fact that our airport needs some changes.”

May kasunod pang sinabi si Jessy na sinang-ayunan ng marami. 

Aniya, “Tumanda na ako, ganyan pa rin ang NAIA, baka naman – puwede na rin natin pagtuunan ng pansin na baguhin at pagandahin ang ating airport. Imbes na masaya ka, magbabakasyon o lilipad, may takot na sa pagpasok pa lang ng airport.”

Tinapos ni Jessy ang kanyang post sa pagsasabing, “And hopefully, we become more stricter when it comes to granting licenses. So many road accidents lately, it is time to implement stricter regulations to keep our families safe.”

Samantala, sumasama si Jessy sa kampanya ng asawang si Luis Manzano na tumatakbong vice-governor sa Batangas. 

Mensahe niya kay Luis, “I have always been proud of you since day one.

“Marami mang nawala sa ‘yo at nasakripisyo sa desisyon mong maging isang lingkod-bayan, alam kong hindi tayo pababayaan ng Panginoong Diyos sa bagong yugtong ito, dahil alam

Niya kung ano ang nasa puso mo at ang intensiyon mong makatulong sa ibang tao. Noon pa man, mahilig ka nang tumulong sa iyong kapwa nang walang hinihinging kapalit at isa ‘yun sa mga rason kung bakit kita minahal at patuloy na mamahalin. 

“Lahat kaming nagmamahal at nakakakilala sa ‘yo nang tunay ay hinding-hindi ka iiwan sa laban na ito.

“Mahal na mahal ka namin, VG Lucky Manzano. Para sa pagbabago, para sa serbisyong may talino at puso. Mabuhay ang Batangas. #ViLucky2025.”