Kaya kering-kering bumili ng milyones na luxury items… HEART, TOP 1 SA 20 IG INFLUENCERS SA MANILA

ni Vinia Vivar @Frankly Speaking | January 19, 2026

Photo: FB Heart Evangelista

On point ang mga komento ng bagong pasang abogado na si Gabriel Divina ukol sa fashion icon na si Heart Evangelista.

Sa social media, inilarawan ni Divina ang kanyang pagkakakilala kay Heart na tila nire-regard niyang ‘sister’.

Si Gabriel ay anak ni University of Santo Tomas (UST) Faculty of Civil Law Dean Nilo Divina, na siya ring founder and managing partner ng Divina Law Office na may hawak ng mga high-profile cases sa bansa.

“Technically, it’s not a joke when I say ‘SISTERS!’ when I talk about Heart Evangelista because the one time I met her, her immediate response to me was ‘Mukha tayong magkapatid!’” sabi ni Gabriel sa X (dating Twitter).

“She’s so funny and sweet,” sey pa niya, kalakip ang isang side-by-side na larawan kung saan sila ni Heart ay naka-twinning ng leopard-printed coat.

May komento rin siya na para bang sagot sa mga detractors ni Heart na kumukuwestiyon sa luxury items ng tanyag na fashion figure.

Ayon kay Gabriel, kung si Mimiyuuuh na isang content creator at influencer tulad ni Heart ay afford na bumili ng mga ari-arian tulad ng bahay at kotse, at mamahaling gamit gaya ng Hermes at Chanel bags, kaya rin daw ito ni Heart.

“Keep in mind, Mimiyuuuh is also an endorser and influencer just like Heart Evangelista, and despite growing up from poverty and being the breadwinner, she’s now able to afford two houses, a Makati condo, several cars, Hermes and Chanel bags, and more,” sey ni Gabriel.

“What makes y’all think Heart Evangelista can’t afford all her luxuries and more?” patuloy pa niya.

Tulad ni Heart, mahilig din si Gabriel Divina mag-post sa social media ng kanyang OOTD (outfit of the day).

Hindi naman sikreto na si Heart ay nagsimulang magtrabaho bilang fashion model at aktres sa murang edad.

Eventually, tinaguriang isa sa leading style and lifestyle influencers si Heart na palaging napapabilang sa mga pinakabigatin na figures tuwing may fashion week sa Europe.

Para sa kaalaman ng lahat, milyun-milyong piso ang maaaring kitain ng isang influencer mula sa kanyang MIV o Media Impact Value sa pagsuot, paggamit, o pag-mass market endorsement ng luxury items.

Base sa pag-aaral ng Favikon, si Heart ay Top 8 sa ‘Top 20 Instagram Influencers in the Philippines in 2026’ by reach, growth, and engagement.

Ayon naman sa influData.com, si Heart Evangelista ay Rank 1 sa ‘Top 20 from Manila on Instagram Influencers by Follower Growth’.

“Discover the most influential creators in Manila with our comprehensive ranking of the Top 20 influencers on Instagram. This data-driven analysis identifies the content creators who are shaping conversations, driving trends, and commanding the highest engagement rates in 2026,” paliwanag ng influData.

Ang mga facts na ito ay nagpapatunay na walang epekto ang mga bashers at paninira kay Heart. Ipinapakita rin ng mga datos na kabilang siya sa most in demand brand endorsers.

Tunay na hindi matatawaran ang impluwensiya ni Heart Evangelista sa social media dahil kahit ang pagkagat sa kanya ng garapata ay talaga namang pinag-uusapan ng marami.