Kaso ng rabies, tumaas — DOH

ni Eli San Miguel - Trainee @News | January 25, 2024

Nag-ulat ngayong Huwebes ang Department of Health (DOH) ng 63 porsyentong pagtaas sa mga kaso ng rabies sa tao mula Disyembre 17 hanggang 31 ng taong 2023.

Ayon sa DOH, may 13 kaso ng rabies na naitala sa panahong ito, mas mataas kaysa sa walong kaso na naitala sa dalawang nakaraang linggo.

“Moreover, NCR (National Capital Region), Regions I, III, IV-A, V, VI, X, XII, and BARMM (Bangsamoro Autonomous Region in Muslim Mindanao) showed case increases in the recent 3-4 weeks (December 17 to 31) or 1-2 weeks (January 1 to 13),” sabi ng DOH sa isang mensahe na ipinadala sa mga reporters.

Idinagdag ng kagawaran ng kalusugan na mayroon silang naitalang pito (7) na kaso ng rabies para sa kasalukuyang taon mula Enero 1 hanggang 13.

Nagbigay naman ng paalala ang DOH sa publiko na nakamamatay ang rabies.

“Rabies kills. Pets such as cats and dogs may carry rabies and infect their owners. Stray cats and dogs may likewise do so,” saad ng ahensya.

Binanggit din nito ang Republic Act No. 9482, o ang Anti-Rabies Act of 2007, na nag-uutos sa Department of Agriculture - Bureau of Animal Industry na maging pangunahing ahensya sa pagsugpo at paglipol ng rabies sa mga hayop at tao.

“The same law directs local government units (LGUs) to ensure that all dogs are properly immunized, and where there are stray dogs, to strictly enforce dog impounding activities,” sabi ng DOH.

“Prevention is always better than cure: all cats and dogs must be vaccinated against rabies, and all animal bites must be brought to medical attention immediately,” dagdag nito.