Karatekas Tsukii at Lim, sasabak sa World C'ships

ni Gerard Arce - @Sports | October 19, 2021

Tatlong Filipino karatekas ang susubok na makasungkit ng medalya at mapataas ang pwesto sa world rankings sa 2021 World Karate Championships sa Nobyembre 16-21 sa Dubai, United Arab Emirates.

Tatangkain nina 2021 Cairo Karate Premier League champion Junaa Tsukii, 2019 Southeast Asian Games gold medalist Jamie Lim at 30th biennial meet bronze medalist John Enrico “Joko” Vasquez na makibakbakan sa mga pinakamahuhusay na karatekas sa buong mundo.

Inihayag ni Karate Pilipinas Sports Federation Inc. (KPSFI) President Richard Lim na matindi ang ginagawang paghahanda ng tatlong karatekas, kung saan nagsasanay sina Lim na sasabak sa women’s +61kgs division at Vasquez na lalahok naman sa men’s individual kata, sa bubble training camp sa Baguio City kasama ang iba pang karatekas na naghahanda naman sa iba pang mga international competition, kabilang ang Asian Karate Championships sa Disyembre, 31st SEA Games sa Hanoi, Vietnam at Hangzhou Asian Games na parehong gaganapin sa susunod na taon.

Kasalukuyan namang sumasailalm sa masinsinang page-ensayo ang 30-anyos na 2018 Jakarta-Palembang Asian Games bronze medalists sa Serbia na patuloy sa pag-angat sa world ranking ng umakyat ito sa 5th spot ng women’s under-50kgs category matapos makakuha ng total points na 4552.50 sa likod nina World No.1 Serap Ozcelik Arapoglu ng Turkey, Miho Miyahara ng Japan, Shara Hubrich ng Germany at Sara Bahmanyar ng Iran.

“We have been providing them all the assistance with the things that they need to prepare. Also, with the travel with the Philippine Sports Commission (PSC) is supporting us. wika ni Lim nitong Biyernes sa lingguhang TOPS Usapang Sports on Air.