Kapatid at kaibigan ni Guo, nahuli na
- BULGAR
- Aug 22, 2024
- 1 min read
ni Angela Fernando @News | August 22, 2024
Nahuli na ang kapatid ni dismissed mayor Alice Guo, na si Sheila Guo at ang kaibigan nitong si Cassandra Li Ong na kinumpirma mismo ni Sen. Risa Hontiveros nitong Huwebes.
Binigyang-diin ni Hontiveros na pananagutin ang mga ito sa pagtakas sa mga pagdinig ng Senado.
Nasa kustodiya na ng mga otoridad sa Indonesia ang dalawa, ayon kay Sec. Benhur Abalos ng Interior and Local Government sa isang naunang pahayag.
“I received a report last night galing kay Philippine National Police chief Police General Rommel Marbil na dalawa sa kasama niya ay naka-detain na sa Indonesia,” saad ni Abalos.
Paalis na sana ng Indonesia ang dalawa nang sila'y masabat ng mga lokal na otoridad. Inaasahang ibabalik ang dalawa sa 'Pinas.
Samantala, patuloy ang mga lokal na otoridad sa pagsasagawa ng manhunt operations upang mahuli rin si Alice Guo, na pinaniniwalaang namataan sa Kuala Lumpur airport nu'ng Hulyo 21.
Commentaires