ni Jasmin Joy Evangelista | April 3, 2022
Inanunsiyo ng aktor na si Jim Carrey na siya ay magre-retire na sa pag-arte.
Sa interview ng Access Hollywood, tinanong ang aktor hinggil sa potential role ngunit ang sagot nito ay: "“Well, I’m retiring."
Tinanong ng interviewer na si Kit Hoover kung seryoso si Carrey sa kanyang sinabi at sagot niya: "Yeah, probably. I’m being fairly serious."
"It depends. If the angels bring some sort of script that’s written in gold ink that says to me that it’s going to be really important for people to see, I might continue down the road, but I’m taking a break," dagdag niya.
Ayon pa sa aktor, nagugustuhan na niya ang kanyang "quiet" at "spiritual" life, at nag-e-enjoy na siya sa pagpe-painting.
"I have enough. I've done enough. I am enough," aniya.
Sa edad niyang 60, marami nang natanggap na parangal si Carrey. Mayroon siyang dalawang Golden Globe awards for best actor, at mga trophies mula sa MTV Movie & TV Awards, Nickelodeon Kids' Choice Awards, at People's Choice Awards.
Na-nominate din siya sa British Academy Film Awards at Grammy Awards in 2005 and 2006.
Siya ay nakilala sa pagganap sa "The Mask" (1994), "The Truman Show" (1998), "How the Grinch Stole Christmas" (2000", "Eternal Sunshine of a Spotless Mind" (2004), at A Series of Unfortunate Events" (2004).