280 illegal POGO workers, ready nang i-deport – DOJ

ni Lolet Abania | September 21, 2022

Handa nang i-deport ang tinatayang 280 illegal employees ng Philippine Offshore Gaming Operators (POGOs), ayon sa Department of Justice (DOJ).

“We’re ready to deport, I think, 280 people by now. Meron na kaming in custody. We are scheduled to catch more people. Eh, ang problema lang talaga dito ‘yung protocol natin kasi nga we have to calibrate it,” pahayag ni DOJ Secretary Jesus Crispin “Boying” Remulla sa radio interview ngayong Miyerkules.

Una nang sinabi ni Remulla na makikipagpulong siya kay Chinese Ambassador to the Philippines Huang Xilian hinggil sa deportation ng mga POGO employees.

Sa isang mensahe sa mga reporters, nilinaw ni Remulla na nakikipagpalitan siya ng text messages sa ambassador na kasalukuyang nasa China.

Samantala, sinabi ni DOJ spokesperson Mico Clavano na makikipag-meet si Remulla sa ambassador sa Huwebes.

“He will meet with the Chinese ambassador tomorrow afternoon to speak about the canceled POGO companies as listed by Pagcor,” saad ni Clavano.

Ayon kay Remulla, may nauna nang 216 licensed POGO companies na tumigil na magbayad ng kanilang dues. Sa taya niya, nasa 40,000 empleyado ang maaaring nananatili sa Pilipinas illegally.

“We know where they all are, we know where the offices are, kaya it’s a matter of time before we resolve everything here,” sabi ni Remulla.

Aniya pa, hindi puwedeng i-detain ng gobyerno ang lahat ng naturang empleyado nang sabay-sabay.

“Siyempre ayaw natin huliin nang sabay-sabay ‘yan kasi it can result in a humanitarian crisis kapag hindi natin ma-deport agad ang mga tao. So, we want to calibrate all the movement para naman logical,” giit ni Remulla.

Gayundin aniya, ang pag-file ng mga kaso laban sa mga nasabing empleyado ay hindi puwede.

“Sa ating procedures kasi ngayon, hindi compatible ang filing of case and deportation.

Kasi kapag nag-file ka ng kaso then we cannot deport them cause they have to be under the process of law,” paliwanag ni Remulla.

“So we have a choice. Either to file cases or to summarily deport them. The logical thing is for summary deportation to take place kasi nga we don’t want to be keeping 20,000 people in a makeshift jail,” dagdag pa niya.