ni Beth Gelena - @Bulgary Files | September 25, 2020
Sa isang event na dinaluhan ni James Reid bilang Food Security Ambassador, may simpleng tanong na ibinato sa kanya.
Si James ang napili ng Department of Agriculture para maging kinatawan ng ahensiya ng gobyerno. Isa sa mga aktibidades ng Fil-Am actor-singer ang sumama sa mga dinadaluhang events ng DAR, tulad sa PAG-AHON o "Palay at Gulay, May Ari, Hanapbuhay, Oportunidad at Nutrisyon" project na ginanap sa Lupao, Nueva Ecija kamakailan lang.
Feeling Pinoy na Pinoy nang humarap sa event ang mestisong aktor. Sa harap ng mga mangingisda at magsasaka ay nagbigay ng pahayag si James.
Maya-maya ay may nagtanong kung ano ang paborito niyang gulay. Kalorkey ang sagot ng nahirang na Food Security Ambassador. Ang tagal niyang nag-isip bago sinabing kangkong ang favorite niyang kainin sa sinigang.
Naku, kailangan pala, kabisaduhin ni James ang lahat ng mga gulay na matatagpuan sa 'Pinas at umpisahan niya na ito sa kantang Bahay-Kubo.
Dapat maging aware rin siya sa ginagawa ng mga magsasaka at mangingisda. Hindi biro ang maging ambassador ng DAR dahil kalusugan ng mga Pinoy lalo na ng mga kabataan ang nakasalalay dito.