Isyu sa balik-ensayo na aprub sa IATF, lilinawin ng GAB sa TOPS

ni MC - @Sports | July 9, 2020

Mabibigyan ng kalinawan ang isyu sa pagbabalik ensayo na itinakda ng Inter-Agency Task Force (IATF) sa professional sports na nasa pangangasiwa ng Games and Amusement Board.

Inasahang ibibigay ni GAB Chairman Abraham ‘Baham’ Mitra ang mga plano sa ahensiya sa gitna ng pandemya sa ikalawang paglarga ng ‘Usapang Sports’ ng Tabloids Organization in Philippine Sports (TOPS) via Zoom ng ‘Sports on Air’ ngayon ganap na 10:00 ng umaga.

Gayundin, magbibigay nang mga bagong kaganapan sa larangan ng football sa bansa sa pamamagitan ni Youth Football League president Mike Atayde.

Ihahayag ng dating Palawan Congressman at Governor ang mga progreso ng kanilang pagsumite sa tinatawag na "new normal " protocols sa mga pag-eensayo ng mga atleta sa PBA at PFL.

Matutunghayan ang live streaming sa Sports On Air sa facebook at Youtube ang lingguhang sports forum na itinataguyod ng Philippine Sports Commission at PAGCOR at binubuo ng pinakamalalaking tabloid organization sa bansa.

Inaanyayahan ni TOPS president Ed Andaya ang lahat ng miyembro ng makiisa sa programa.