Ipinagluto ng menudo ng misis… DINGDONG, PURING-PURI SI MARIAN SA MOTHER'S DAY

ni Nitz Miralles @Bida | May 12, 2025

Photo: Marian Rivera Dingdong Dantes - IG

Ang Mother’s Day post ni Dingdong Dantes ay pagluluto ni Marian Rivera ng favorite nila ng kanyang mga anak na menudo. Parang tuwing may special occasion, iniluluto ito ni Marian.

Aniya, “Sa halip na s’ya ang pagsilbihan sa araw na ito, s’ya pa ang nagpumilit magluto ng paborito naming menudo.

“Sino ba naman ang hindi mapapahinga ng malalim sa bango pa lang, sabay sabing, ‘Ay, eto na nga ang original ni Ingkang.’

“Ang tagal na naming hindi natikman ‘to—kaya bawat halo n’ya sa kaldero, parang yakap na abot hanggang puso’t bituka mo.

“Happy Mother’s Day sa reyna ng aming tahanan—kahit araw n’ya, inuuna pa rin kaming alagaan. Pati tiyan namin, hindi nakaligtas sa lambing at halinghing ng kanyang lutuin.”

Sagot ni Marian kay Dingdong, “Love you all.”

Napasarap tiyak ang lunch ni Dingdong lalo na’t galing siya sa Lights, Camera, Run!, napagod at nagutom. Na-video ang paghahanda ni Marian ng menudo at siya talaga ang naghiwa ng ingredients. Walang make-up ang aktres, pero ang ganda-ganda pa rin.

Samantala, nagkaroon ng poster reveal ng movie nina Dingdong at Charo Santos na Only We Know (OWN) at ang ganda ng poster. ‘Yun bang poster pa lang, gusto mo nang mapanood ang movie ni Director Irene Villamor na showing sa June 11. Maganda rin ang teaser ng movie, may mga nakakatawang eksena.

---

Sinorpresa sa Mother’s Day…

SHARON, IPINAGMALAKI ANG ‘GARDEN’ NG FLOWERS AT EARRINGS NA REGALO NI KC

‘GARDEN’ ang itinawag ni Sharon Cuneta sa bouquet of flowers na ipinadala ni KC Concepcion noong Mother’s Day. Ipinost ni Sharon ang flowers na marami nga at iba’t iba ang variety.

Aniya, “My KC @kristinaconcepcion sent me these flowers (garden na ang dami, eh!) and these beautiful earrings with the most beautiful pearls and four hearts representing my four babies!!! The messages on the cards are special to me, too. Thank you, Toot! I love you so much.”

Sagot ni KC, “Happy Mother’s Day to our queen,” at may post pa ito sa ipinadala niyang flowers sa mom n’ya.

“My turn to spoil the queen! Huge thanks to Tita Gema and Tito Antonio of Mabolo for helping me surprise Mama with a bouquet of 7 rose varieties, freshly flown in from Ecuador... only the best for her, of course.

“I also personally designed a bespoke pair of solid white & yellow gold heart-shaped drop earrings for her: “Four of Hearts” is a pavé-set with natural brilliant-cut diamonds, natural pink sapphires, and lustrous, round, soft pink Edison pearls (specially grown in freshwater mussels!) 4 hearts, 1 bond... each gold heart representing us, her 4 children.

“Love you, Mom! You’ll always be our queen @reallysharoncuneta.”

---

KABILANG sina Dennis Trillo at Jennylyn Mercado sa mga celebrities na nakitakbo sa Lights, Camera, Run! bilang suporta sa Mowelfund at kay Alden Richards at sa Myriad Company na nasa likod ng fun run.

Ang saya ng DenJen at nanguna sa pagtakbo, hindi lang nasabi kung ilang kilometro ang tinakbo nila. 

Naalala ng mga fans na noong magpa-block screening si Alden ng movie ng DenJen, sabi nina Dennis at Jennylyn, sabihin lang sa kanila ni Alden kung paano sila makakapagpasalamat sa suporta nito sa kanila at sa kanilang pelikula.

Ginawa na nga ng DenJen ang pasasalamat kay Alden by supporting the fun run na first project ni Alden for Mowelfund. 

Ganu’n din siguro sina Paulo Avelino at Kim Chiu na bukod sa nakakasama na ni Alden sa pagtakbo, sinuportahan din nito ang pelikula nila.

Samantala, nakakatuwa ang piniling photo ni Dennis to greet Jennylyn sa Mother’s Day kahapon. Kasama kasi ni Jennylyn ang tatlong cockatoos at may isang small bird sa balikat ng aktres.

Sey ni Dennis, “Para sa aming Super Woman, isang pagpupugay sa ‘yo at sa lahat ng mga dakilang ina na kagaya mo. Maraming salamat sa lahat ng pagmamahal, pag-aaruga at tiyaga. We love you. Happy Mother’s Day, Mama JEN.”