Inoue, napikon na sa mga pasaring ni Casimero

ni Gerard Arce - @Sports | August 21, 2021

Hindi na napigilan ni unified IBF/WBA/The Ring bantamweight champion Naoya “Monster” Inoue ang matinding pasaring at paghahamon ni Filipino WBO 118-pound titlist “Quadro Alas” John Riel Casimero kung kaya’t kumasa na ito sa laban sa kahit anong panahon o lugar.

Maaaring nakarating na ang mainit na mensahe ng 31-anyos na three-division World champion sa undefeated Japanese fighter kasunod ng matapang na post-fight interview nito kasama ang mapambuskang paghamon, kabilang na ang isa pang Filipino American titlist na si “The Filipino Flash” Nonito Donaire Jr na hawak naman ang WBC 118-lb belt.

Sa kanyang social media account, ibinuhos ng 28-anyos na tubong Zama, Kanagawa, Japan ang kanyang inis at gigil sa Ormoc City native na agarang kumagat sa pang-aasar ng Filipino titlist.

“Why should I be a good girl? Is anyone’s image of Naoya Inoue a saint/prince? Why do I have to keep silent because I was so enthusiastic that I was provoked radically and was pointed out in the live broadcast?” pahayag ni Inoue sa kanyang Twitter account. “There are people who say various things, but this is an individual remark with Casimero. Just buy the quarrel that was sold. Please organize a match,” dagdag nito.

Nakuhang pumatol ni Inoue sa malupit na pasaring at pambubuska ni Casimero sa post-fight interview ni Jim Gray ng Showtime na iminuwestra ang tatlong daliri na tumutukoy kina Guillermo Rigondeaux ng Cuba na kanyang tinalo nito lamang linggo ng gabi (Agosto 14) via 12-round split decision sa Carson, California, na tumutukoy sa palasing-singan na daliri, at balak isunod si Donaire na tinanggal ang hintuturong daliri, at ang pinakahuli ay ang nalalabing gitnang daliri na tila nagmumuwestra ng may halong pang-aasar. “First, Rigondeaux (is) finished. Second, (Nonito) Donaire. Next, (Naoya) Inoue,” wika ni Casimero, kung saan hindi napigilan ni Gray na tumugon ng “That was colorful.”

Muli namang naglabas ng kanyang saloobin ang nagngingitngit na si Inoue sa kanyang twitter account na nagpahayag gawin ang kanilang laban ngayong taon, ngunit kailangang sumailalim sa ‘doping management.’“Once the match with Casimero is decided, I would like to beat it under the rule of boxing,” saad ni Inoue. “Therefore, we firmly ask for weight management “Doping” management so that the match will be established. I hope this year.”