Importasyon ng sibuyas, todo-depensa si P-BBM

ni Lolet Abania | January 16, 2023

Dinepensahan ni Pangulong Ferdinand “Bongbong” Marcos Jr. ang gagawing importasyon ng mga sibuyas mula sa ibang bansa sa gitna ng patuloy na suliranin kaugnay ng pagtaas ng mga presyo ng ilang agricultural products gaya ng sibuyas at asukal sa mga pamilihan.

Sa kanyang ika-8 foreign trip sa Zurich, Switzerland, sinabi ng Pangulo, “our government had no choice but to import.”

“Given the production and demand we have in the Philippines, it’s impossible to avoid imports. We’ve tried to get products from smuggling, but the need was still not met. We had no choice but to import, so that’s what we’re doing,” pahayag ni Pangulong Marcos, na siya ring secretary ng Department of Agriculture (DA), sa mga reporters na kasama niya sa eroplano mula Manila patungong Switzerland kung saan siya dadalo sa World Economic Forum.

Gayunman, ayon sa Pangulo, naghahanap na ang administrasyon ng mga paraan para madagdagan ang produksyon ng mga sibuyas at iba pang produkto upang maiwasan ang pag-i-import ng mga ito.

“We have to go back to the onion growers and help them para magkaroon tayo ng production, hindi na tayo kailangan mag-import. Diyan tayo naipit eh. Nasanay tayo masyado sa import. So import lang tayo nang import, hindi natin inaayos ‘yung production side,” giit ni P-BBM.

Binanggit din ni Pangulong Marcos ang kahalagahan ng pagbo-boost ng produksyon mula sa mga local farmers, taliwas sa simpleng umasa na lamang sa mga imports.