Impeachment vs. VP Sara, suntok sa buwan!

ni Pablo Hernandez @Prangkahan | November 17, 2023

SAKALING MAY MAGPA-IMPEACH KAY VP SARA, MAKALUSOT MAN IYAN SA KONGRESO, TIYAK REJECT IYAN SA SENADO -- Sa isang interview ay sinabi ni ACT Teachers partylist Rep. France Castro na posible raw na may magsampa ng impeachment case sa Kongreso laban kay Vice President at Dept. of Education (DepEd) Sec. Sara Duterte-Carpio kaugnay sa isyu ng confidential funds.

Sa totoo lang, malabong mapatalsik sa tungkulin si VP Sara sa pamamagitan ng impeachment, kasi makalusot man iyan sa Kamara, pagdating sa Senado ay reject ‘yang impeachment case dahil majority ng mga senador ay kaalyado ng mag-amang ex-P-Duterte at VP Sara.

Ika nga, suntok sa buwan iyang isasampang impeachment case laban kay VP Sara, period!

◘◘◘

P-BBM GARAPALANG NAKIKIALAM SA MAHARLIKA INVESTMENT CORPORATION -- Kaya pala binago ni Pres. Bongbong Marcos (P-BBM) ang original na IRR o Implementing Rules and Regulations ng P500 billion Maharlika Investment Fund (MIF) ay dahil sa orig na IRR ay hindi kuwalipikado para maging president at Chief Executive Office (CEO) ng Maharlika Investment Corporation (MIC) ang tao niyang si Presidential Adviser for Investment and Economic Affairs Rafael Consing, Jr.

Napakalinaw ang sinabi noon ni P-BBM na never daw siyang makikialam sa MIF at MIC, pero ngayon ay garapalang nakikialam na, boom!

◘◘◘

IN-APPOINT NI P-BBM SI CONSING NA PRESIDENT/CEO NG MIC, SA ORIG NA IRR HINDI ITO KUWALIPIKADO -- Sa orig kasing IRR na binalangkas ng advisory board na kinabibilangan ng taga-Dept. of Budget and Management (DBM), Dept. of Finance (DOF), National Economic Development Authority (NEDA) at Bureau of Treasury (BOT), ang kuwalipikasyon ng mga taong magiging opisyal ng MIC ay dapat may Master’s degree sa finance, investment at economics at may 10 years management experience sa finance, investment at economics, at wala ng mga kuwalipikasyon na ‘yan si Consing, na bagama’t graduate siya ng 4-year course na AB Political Science ay wala naman siyang Master’s degree at kahit naglingkod siya sa malalaking kumpanya at bangko, wala rin siyang 10 years management experience sa finance, investment at economics.

At dahil nga tinanggal ni P-BBM ang mga mabibigat na kuwalipikasyon sa orig na IRR, kaya ang resulta, ang tao niya sa Malacañang na si Consing ang siya ngayong president at CEO ng MIC na may pondong P500B, period!

◘◘◘

BUTI PA SI SEN. BONG GO, NAG-IISIP PAANO MABIGYAN NG MAGANDANG SERBISYO ANG MAMAMAYAN, PERO IBANG SENADOR PURO PABIDA LANG ANG GINAGAWA SA SENADO -- Isinusulong ngayon ni Sen. Bong Go na madagdagan ang budget ng Dept. of Health (DOH) para mapaganda at mapalakas ang serbisyong healthcare system sa bansa.

Buti pa si Sen. Bong Go, ang iniisip ay paano mabibigyan ng magandang serbisyo ang mamamayan hindi tulad ng ibang senador na puro pabida lang sa mga Senate investigation ang mga pinaggagawa, boom!