Imelda Bridge sa Ninoy Aquino Ave. sarado mula Okt.10-Nob.10

ni Lolet Abania | October 11, 2022

Isang bahagi ng northbound outer lane ng Imelda Bridge na nauugnay sa mga Barangay La Huerta at Sto. Niño sa kahabaan ng Ninoy Aquino Avenue sa Parañaque City ang pansamantalang isasara mula Oktubre 10 hanggang Nobyembre 10, 2022.

Habang isang lane ang mananatiling passable sa mga motorista.

Sa isang advisory, ayon sa Light Rail Manila Corporation (LRMC) ang pagsasara ng nasabing lugar ay upang maisagawa ang casting ng concrete plinths at pedestals para sa instalasyon ng tracks at overhead catenary system ng Ninoy Aquino Station ng Light-Rail Transit (LRT) 1 Cavite Extension Project.

Pinapayuhan naman ang apektadong mga motorista na humanap muna ng mga alternatibong ruta habang ito ay pansamantalang isinara ng isang buwan.