Ika-100 araw sa puwesto ni P-BBM, tinapatan ng kilos-protesta ng militanteng grupo

ni Lolet Abania | October 8, 2022

Nagsagawa ng kilos-protesta ang mga militanteng grupo sa kahabaan ng Recto Avenue at Mendiola Street sa Manila ngayong Sabado kasabay ng ika-100 araw sa puwesto ni Pangulong Ferdinand “Bongbong” Marcos, Jr.

Sama-samang binagtas ng BAYAN, Kilusang Mayo Uno (KMU), at iba pang grupo ang Mendiola Peace Arch hanggang Claro M. Recto Avenue na may hawak na mga banners at placards na nakasaad ang kanilang mga hinaing at apela sa gobyerno.

“The past 100 days have been more about posturing, rhetoric, and image-building rather than actual problem-solving,” anang BAYAN sa isang statement.

“Mr. Marcos has exhibited a knack for lavish living amid an economic crisis and a stubborn refusal to be held accountable for this. Demands for transparency are dismissed as irrelevant. Meanwhile, in-fighting appears to affect the administration as we see early exits, resignations, and unfilled cabinet positions,” dagdag nito.

Nagprotesta rin ang grupo hinggil sa patuloy na nagaganap na pagpaslang sa mga journalists at mga aktibista, ang imposisyong dulot ng takot dahil sa tinatawag na red-tagging at terrorist labeling, at ang pag-suppress sa free speech at katulad nito.

“If this were the F1 Grand Prix, it is a sad race to the bottom for our country,” ayon pa sa grupo.

Nanawagan din ang KMU para sa dagdag na sahod sa mga manggagawa, regular work at social services. “Hindi tayo magpapatinag sa mga atake ng estado! Tuloy ang ating laban para sa sahod, trabaho, at karapatan!” anila.