Harmful online content, nagkalat... Mark Zuckerberg, ipinatatawag ng Kamara

ni Mervin Reyes @News | September 18, 2026

Photo: Mark Zuckerberg - FB

Ipinatatawag ng Kamara si Meta CEO Mark Zuckerberg para dumalo sa pagdinig kaugnay ng social media safety, ayon sa Department of Information and Communications Technology (DICT).

Tatalakayin sa hearing ang pagkalat ng harmful online content, platform accountability, at mga hakbang para mapalakas ang online safety ng Filipino users. Pinapaharap din dito ang DICT.

"DICT fully understands and takes heed of the position of the House of Representatives leadership regarding the deferment of the Department’s budget pending the resolution of

serious and long-standing concerns involving Meta," saad ng DICT.

"Unlike other technology platforms that have demonstrated meaningful cooperation with authorities and concrete progress in safeguarding users, Meta continues to fall short of its responsibility and commitment to youth safety," dagdag ng ahensya.

Edad 14 pababa, hihigpitan sa socmed, online games

ni Justine Berganio @Overseas News | September 16, 2026

Photo: Kailangang i-verify ng social media at video-sharing platforms ang edad bago makagawa ng bagong account, habang required naman ang age verification sa online gaming platforms bago makapag-download ng games. File

Ipinanukala ng European Union ang pagbabawal sa mga batang wala pang 15-anyos sa social media, video-sharing platforms, AI chatbots at online games bilang bahagi ng mas mahigpit na proteksyon laban sa online dangers.

Sa ilalim ng EU Kids Act, maaaring gumawa ng sariling accounts ang mga edad 15 pataas. Ang 13 at 14-anyos naman ay maaaring magkaroon ng introductory accounts sa social media at video-sharing platforms sa pahintulot ng magulang, may parental controls, limitadong contacts at mahigpit na screen-time limits.

Para sa edad na 3-12, magulang ang ganap na kokontrol sa accounts at child-friendly services lamang ang papayagan. Walang access naman sa mga serbisyong ito ang mga batang wala pang 3-anyos.

Inaatasan din ang tech companies na iwasan ang addictive designs at harmful feeds, magbigay ng madaling paraan para i-report ang harmful content at magbigay ng mas epektibong parental controls.

Kailangang i-verify ng social media at video-sharing platforms ang edad bago makagawa ng bagong account, habang required naman ang age verification sa online gaming platforms bago makapag-download ng games.

Bahagi ito ng panukalang ihaharap ng European Commission, ngunit maaari pang mabago bago tuluyang talakayin at aprubahan ng EU countries at European Parliament.

Kinasuhan sa dating data practices... Grindr, magbabayad ng P2.2B

ni Justine Berganio @Overseas News | September 9, 2026

Photo: Circulated / Grndr

Magbabayad ang LGBTQ+ dating app na Grindr ng £26 milyon (P2.2B) para maayos ang kaso kaugnay ng alegasyong ibinabahagi nito sa third parties ang sensitibong impormasyon ng users, kabilang ang HIV status.

Dalawang hulog na tig-£13 milyon (P1.1B) ang settlement, na unang babayaran bago matapos ang Disyembre at ang ikalawa bago Marso 31, 2027. Iginiit ng kumpanya na hindi ito pag-amin ng pananagutan.

Mahigit 11,000 claimants ang sumali sa class action suit na unang isinampa sa UK High Court noong 2024 bago itinuloy sa US. Kabilang umano sa mga sensitibong datos na sangkot ang sexual orientation, ethnicity at impormasyon tungkol sa HIV status at testing.

Dalawang data analytics firm, ang Apptimize at Localytics, ang tinukoy na nagkaroon ng access sa impormasyon na maaari umanong gamitin sa pag-target ng advertisements.

Ayon sa Grindr, nakatuon ang mga reklamo sa data practices bago ang 2020, noong pagmamay-ari pa ito ng Chinese company na Kunlun. Sinabi rin nito na binago na ang privacy practices mula noong 2020 upang higit na maprotektahan ang mga user.

Nauna nang pinagmulta ang Grindr ng £5.5 milyon (P456M) ng Norwegian data protection watchdog at sinita rin noong 2022 ng UK Information Commissioner’s Office dahil sa data practices nito.