Host ng Family Feud abroad… DINGDONG, DATING PARE, TITO NA ANG TAWAG KAY STEVE HARVEY

ni Nitz Miralles - @Bida | May 29, 2022

Pati pala ang Family Feud hosted by Dingdong Dantes na napapanood sa GMA-7 at ang Farm to Table na napapanood sa GTV kung saan host si JR Royol ay nakatanggap din ng Commendation Letter mula kay GMA Chairman and CEO Atty. Felipe Gozon.

Hindi lang daw saya at kaalaman ang bigay ng dalawang programa sa mga viewers, maganda rin ang feedback at mataas ang ratings.

Nababasa nga namin ang mga comments ng mga viewers at nag-i-enjoy silang panoorin ang dalawang shows.

Lalo nitong matutuwa si Steve Harvey, ang host ng Family Feud USA at baka i-congratulate na naman si Dingdong.

'Kaaliw nga si Dingdong dahil kung dati, “Pareng Steve” ang tawag sa American host, ngayon ay “Tito Steve” na.

Sabi nga ni Dingdong sa pagko-congratulate ni Steve Harvey, “Para sa akin, ito ‘yung shout-out na ka-level ng pagbati ni Santa Claus sa mga bata 'pag Pasko.

"When we started the show in the Philippines for this season’s run, we knew we had big shoes to fill because of the show’s global success. That’s why I am just so grateful, energized and inspired to receive something like this from a person whose hosting skills I idolize.”

Maganda rin ang feedback kay Dingdong hosting Amazing Earth na laging exciting ang episode na napapanood every Sunday, 5:20 PM sa direction ni Rico Gutierrez.

For this Sunday episode, mapapanood ang second part ng Deadly Hunters: Venom tungkol sa most venomous creatures sa planet earth gaya ng snakes, spider, scorpions at vine snakes.

May feature rin sa eco-adventure park sa Santa Catalina, Negros Oriental. May interview din si Dingdong sa student-inventors ng “Pedal Operated Road Sweeper” - a three-wheeled ride used to collect trash on the streets.