Horoscope | July 29, 2021 (Huwebes)

ni Maestro Honorio Ong - @Horoscope| July 29, 2021

Sa may kaarawan ngayong Hulyo 29, 2021 (Huwebes): Ikaw ang taong napakalakas ng kutob. Nakita mo pa lang ang tao, alam mo agad kung masama o mabuti siya. Ang mabuting balita, ang iyong kutob ay mapakikinabangan mo rin sa sugal.

ARIES (Mar. 21-Apr. 19) - Tatalunin ka muli ng iyong damdamin. Kahit tama ang sinasabi ng iyong isip, hindi mo ito susundin. Pero huwag kang mag-alala, ang kapalit naman nito ay ligaya. Masuwerteng kulay-blue. Tips sa lotto-14-19-20-39-40-45.

TAURUS (Apr. 20-May 20) - Huwag kang papatangay sa negatibong pananaw. Mas magandang ituloy mo ang gusto mong gawin. Kapag hindi mo nakuha, subukan mo ulit gawin. Ito ang mensahe para sa iyo. Masuwerteng kulay-black. Tips sa lotto-10-20-25-39-40-43.

GEMINI (May 21-June 20) - Bigyang-pansin mo ang nagpapahalaga sa iyo. Hindi naman mahalaga kung maiksi lang ang oras na iuukol mo, ang importante ay napasaya mo ang nagmamahal sa iyo. Masuwerteng kulay-violet. Tips sa lotto-5-12-24-30-35-41.

CANCER (June 21-July 22) - Iyong-iyo ang araw na ito at ang mga araw na darating. Ang sinumang sumalungat sa mga kagustuhan mo, langit na mismo ang makakalaban at makakabangga. Ito ang mensahe para sa iyo. Masuwerteng kulay-peach. Tips sa lotto-14-18-20-29-30-36.

LEO (July 23-Aug. 22) - Magdahan-dahan ka. Sa ganitong paraan, mas makikita mo nang malinaw kung ano ang pinakamaganda mong dapat gawin. Makakapagplano ka rin at maiiwasan mo pa ang ang kabiguan. Masuwerteng kulay-red. Tips sa lotto-7-19-21-25-34-40.

VIRGO (Aug. 23-Sept. 22) - Yakapin mo nang mahigpit ang mga makalumang aral na pamana sa iyo ng nakatatanda. Sa pagyakap sa mga aral na ito, mas maraming suwerte at magagandang kapalaran ang darating sa iyo. Masuwerteng kulay-aquamarine. Tips sa lotto-11-16-25-27-38-42.

LIBRA (Sept. 23-Oct. 22) - Ilapit mo ang iyong sarili sa nag-aakalang mahirap kang maging kaibigan. Mula sa pakikipagkaibigan, kung iyong babalikan ang nakaraan, ikaw ay nakikinabang. Masuwerteng kulay-white. Tips sa lotto-19-20-24-33-39-43.

SCORPIO (Oct. 23-Nov. 21) - Huwag kang maniwala sa isip mo kapag negatibo ang laman nito at paniwalaan mo naman kapag positibo. Madalas na dinadaya ng kanyang isip ang tao kaya siya ay hindi umaasenso. Masuwerteng kulay-green. Tips sa lotto-2-17-21-25-34-44.

SAGITTARIUS (Nov. 22-Dec. 21) - Buksan mo ang iyong damdamin. Ito ang susi ng kaligayahan para sa lahat ng tao. Ang saradong damdamin ay susi naman sa kawalan ng kaligayahan. Ito ang mensahe para sa iyo. Masuwerteng kulay-yellow. Tips sa lotto-19-22-29-30-33-39.

CAPRICORN (Dec. 22-Jan. 19) - Malaya ka kaya huwag kang magpaalipin sa kahit na ano at kahit na sino. Hawakan at kontrolin mo ang iyong buhay dahil hindi ka dapat maging sunud-sunuran sa gusto ng ibang tao. Masuwerteng kulay-purple. Tips sa lotto-15-18-24-35-40-46.

AQUARIUS (Jan. 20-Feb. 18) - Iimpluwesiyahan ka ng isang dominanteng nilalang. Bakit ka papayag? Dapat siya ang iyong maimpluwensiyahan. Paano? Akitin mo at tiyak na makukuha mo ang anumang gusto mo. Masuwerteng kulay-pink. Tips sa lotto-9-17-24-26-35-38.

PISCES (Feb. 19-Mar. 20) - Susuwertehin ka ngayon. Para malalaki at marami ang mapasaiyong suwerte, ipamigay mo sa malalapit sa iyo ang mga ayaw mo na at matagal nang hindi ginagamit. Masuwerteng kulay-beige. Tips sa lotto-6-11-15-22-26-34.