Horoscope | August 01, 2021 (Linggo)

ni Maestro Honorio Ong - @Horoscope| August 01, 2021

Sa may kaarawan ngayong Agosto 1, 2021 (Linggo): Masuwerte ka at ito ay iyong alam. Ngunit ito rin ang dahilan kung bakit may tatawag sa iyong tamad at ayaw mong itodo ang iyong pagsisikap.

ARIES (Mar. 21-Apr. 19) - Kung puwede, ‘wag mo nang pairalin ang isip. Ang mas maganda ay sunggaban mo ang anumang may pakikinabangan ka. Minsan, hinahadlangan ng isip ang pag-asenso ng tao. Masuwerteng kulay-yellow. Tips sa lotto-3-19-20-38-35-41.

TAURUS (Apr. 20-May 20) - Kung ano ang maganda sa buhay, ‘yun ang gawin mo. Pero ikaw mismo ang magpapasya kung ano ang maganda para sa iyo at hindi ang ibang tao. Ito ang mensahe para sa iyo. Masuwerteng kulay-purple. Tips sa lotto-11-19-25-30-33-37.

GEMINI (May 21-June 20) - Nagbabalita ang araw na ito at mga araw pang darating na ikaw ay sobrang sasaya. Ngunit ang mga ito ay nagbababala rin na maaaring makalimutan mo na dapat ding pinahahalagahan ang mga biyaya. Masuwerteng kulay-pink. Tips sa lotto-8-17-22-25-31-39.

CANCER (June 21-July 22) - Pasasayahin ka ng langit dahil nakita na ikaw mismo ay inaalagaan ang lungkot. Wala kang magagawa ngayon kundi ang magsaya dahil ito ang idinikta ng langit. Masuwerteng kulay-beige. Tips sa lotto-6-14-18-20-25-34.

LEO (July 23-Aug. 22) - Dagdagan ang kulang at bawasan ang sobra. Ito ngayon ang gawin mong panuntunan sa buhay. Hanapin mo ang sobra sa iyo at hanapin mo ang kulang. Masuwerteng kulay-blue. Tips sa lotto-4-18-29-30-35-41.

VIRGO (Aug. 23-Sept. 22) - Bilisan mo ang iyong kilos para maitakwil mo ang pag-aalinlangan. Manghihinayang ka kapag hindi mo nasunod ang payo na bibilisan mo ang pagkilos. Ito ang mensahe para sa iyo. Masuwerteng kulay-black. Tips sa lotto-8-21-25-33-40-44.

LIBRA (Sept. 23-Oct. 22) - Simple ang susi para magbalikan ang mga suwerte mo at ito ay nagsasabing, pasayahin mo ang iyong sarili at ang isa pa, dapat ay ikaw lang at wala kang kasama na kahit sino. Masuwerteng kulay-violet. Tips sa lotto-18-20-24-31-38-35.

SCORPIO (Oct. 23-Nov. 21) - Huwag kang makinig sa payo na ang tao ay dapat makuntento dahil kung susundin mo ang ito, paano ang kinabukasan ng malalapit sa buhay mo? Ito ang mensahe para sa iyo. Masuwerteng kulay-peach. Tips sa lotto-8-14-16-28-33-35.

SAGITTARIUS (Nov. 22-Dec. 21) - Nasanay kang may alalay at inuutusan. Pero ramdam mo na hindi ka masaya, kaya ang payo ay nagsasabing paminsan-minsan, gawin mo nang mag-isa ang mga gawain. Masuwerteng kulay-red. Tips sa lotto-3-11-14-30-32-36.

CAPRICORN (Dec. 22-Jan. 19) - Huwag kang magpaalipin sa nagbibigay sa iyo ng lungkot. Huwag na huwag mong kalilimutan na ang kaligayahan ay nagmumula sa pagiging malaya. Ito ang mensahe para sa iyo. Masuwerteng kulay-brown. Tips sa lotto-1-18-20-25-37-42.

AQUARIUS (Jan. 20-Feb. 18) - Bakit ba napakadali mong maniwala sa mga mabulaklak na dila? Dapat mong malaman na hindi lahat ng bulaklak ay nagiging bunga. Ito ang mensahe ng iyong kapalaran. Masuwerteng kulay-white. Tips sa lotto-16-22-28-35-41-46.

PISCES (Feb. 19-Mar. 20) - Huwag kang mabahala kahit malalaki ang iyong mga suliranin. Kikilos ang langit para gumanda ang buhay mo kahit wala kang gawing anuman. Ito ang mensahe para sa iyo. Masuwerteng kulay-green. Tips sa lotto-18-20-31-33-38-40.