ni Ronalyn Seminiano Reonico | August 20, 2021
Dumating na sa Pilipinas ang 582,500 doses ng AstraZeneca COVID-19 vaccine ngayong Biyernes.
Lumapag sa Ninoy Aquino International Airport (NAIA) Terminal 1 ang Flight C1701 ng China Airlines lulan ang AstraZeneca vaccines kaninang alas-9:20 nang umaga.
Ito ay bahagi ng mga bakuna na binili ng pribadong sector at mga lokal na pamahalaan sa ilalim ng A Dose of Hope Program.
Samantala, inaasahang makatatanggap din ang bansa ng 739,200 doses ng Sinopharm COVID-19 vaccine ngayong hapon.