HEART, GAGAWA ULI NG MOVIE DAHIL KAY ALDEN

ni Ambet Nabus @Let's See | October 31, 2023

Mukhang sa pagbabalik-movies ni Heart Evangelista ay ang project concept nila ni Alden Richards ang gagawin nito.

After kasing mapanood ni Heart ang latest starrer ni Alden na Five Breakups and a Romance, na-encourage raw ang aktres na gumawa uli ng movie.

At dahil kapwa sila business-minded ni Alden, mukhang magiging co-producers sila sa naturang concept na love drama with a twist.

Impressed nga si Heart sa ipinamalas na husay ni Alden habang si Alden naman ay may wish list pala dati pa na makatrabaho sa movie ang fashionista actress.

Yes, love-drama na may fashion-fashion nga raw ang konsepto na napag-usapan ng dalawa.

It’s about time nga naman na masemento kumbaga o ma-document kahit sa movie ang ilan sa mga fashion stints ni Heart here and abroad at hindi puro sa socmed lang.

And take note, iba pa raw ‘yan sa project na plano ring gawin for Heart and Marian Rivera na may kinalaman din sa global brands nila bilang mga Filipino actresses na kilala rin sa labas ng bansa.

Sounds interesting! Sana nga ay matuloy ang mga planong ‘yan, ‘di ba, mga Ka-BULGAR?