Handa na si Donaire vs. Inoue sa Unification match sa Hunyo

ni GA - @Sports | May 26, 2022

Pinaghandaan at pinag-aralan ni WBC bantamweight champion Nonito “The Filipino Flash” Donaire ang kanyang nalalapit na rematch at unification match laban kay unified IBF/WBA/The Ring 118-pound titlist sa Hunyo 7 sa Saitama Super Arena sa Japan.

Hindi malilimutan ng 39-anyos na dating 4-division World champion na si Donaire (42-6, 28KOs) ang nabigong pagtatangkang makuha ang mga titulo kay Inoue matapos ang mahigit dalawang taong nakalipas nang huling beses nagtapat ang dalawang boxing superstar noong Nob. 7, 2019 na nagtapos sa 12-round unanimous decision para sa WBA at IBF/The Ring titles.

Kumpiyansa ang dating pound-for-pound boxer mula Talibon, Bohol na magiging mas mabisa ang mga atake at diskarte laban sa undefeated Japanese boxer na 10-taon ang diperensya sa kanya na minsan na niyang pinaputok ang kanang mata dulot ng kaliwang hook.

“Inoue would fight with the completely different Donaire from the Donaire he fought before. I think I can hit him either with my right-hand punches or with left-hand punches under any circumstances,” pahayag ni Donaire sa panayam ng media sa pagdating sa Tokyo noong Linggo mula Los Angeles, California. "I think my condition is better than before (in the final of WBSS in November 2019). I’m in good condition now.”

Nalasap ni Donaire ang ika-anim na pagkatalo sa mahigit 18-taong karera sa pro boxing, magkasunod na pinatumba ng Fil-Am sina Nordine Oubaali ng France para sa WBC title noong Mayo 29, 2021 at kababayang si Reymart “Assassin” Gaballo noong Disyembre 11, 2021 para sa unang title defense, na parehong nagtapos sa 4th round TKO.