Guo, nagpaliwanag kay Escudero sa 'di pagdalo sa Senado

ni Angela Fernando @News | July 23, 2024

File Photo: Sen. Win Gatchalian, Se. Chiz Escudero at Alice Guo / Senate

Nagpahayag si Sen. Sherwin Gatchalian nitong Martes na ang kampo ni suspendidong Bamban, Tarlac Mayor Alice Guo ay nagpadala ng sulat kay Senate Pres. Francis "Chiz" Escudero upang ipaliwanag kung bakit hindi siya nakadalo sa mga huling pagdinig tungkol sa sinalakay na Philippine Offshore Gaming Operator (POGO) hub sa kanyang bayan.

Kinumpirma ni Gatchalian na nakuha niya ang impormasyon matapos makausap si Escudero nu'ng Lunes pagkatapos ng ginanap na State of the Nation Address (SONA) ni Pangulong Ferdinand "Bongbong" Marcos Jr. “Napagalaman natin na nagpadala pala itong si- ’yung abugado ni Guo Hua Ping kay Senate President ng sulat na nagpapaliwanag kung bakit siya hindi nakadalo.

Sabi niya, hindi naman niya intensyon nai-disrespect o i-walang respeto ang Senado. ‘Di rin niya intensyon na ibalewala ang proseso ng ating bansa,” saad ni Gatchalian. Gayunpaman, binigyang-diin ni Gatchalian na itinuturing niyang walang laman o bigat ang sulat ni Guo dahil walang nabanggit kung dadalo na siya sa susunod na mga pagdinig sa Senado.