Guidelines sa optional na pagsusuot ng face mask sa workplaces – DOLE

ni Lolet Abania | November 3, 2022

Nag-isyu ang Department of Labor and Employment (DOLE) ng mga panuntunan hinggil sa optional na pagsusuot ng face masks sa mga workplaces ng mga manggagawa.

Ang naturang guidelines ay alinsunod sa Executive Order No. 7 na inisyu ni Pangulong Ferdinand Marcos Jr., kung saan ginawa ang pagsusuot ng face masks sa parehong indoor at outdoor settings na boluntaryo.

Kahalintulad ng EO No. 7, ang Labor Advisory No. 22, series of 2022 ng DOLE, ay may mandato na ang lahat ng mga workplaces sa pribadong sektor na dapat gawin ang pagsusuot ng face masks ay voluntary, maliban sa mga sumusunod:

• healthcare facilities, kabilang na rito subalit hindi limitado sa mga clinics, ospital, laboratories, nursing homes, at dialysis clinics.

• medical transport vehicles, gaya ng ambulansiya at paramedic rescue vehicles.

• public transportation sa land, air, o sea

Gayundin, ang mga elderly o senior citizen, immunocompromised, unvaccinated, at symptomatic individuals, mga indibidwal na may comorbidities, at buntis ay mariing hinihikayat na magsuot ng face masks.

“Employers and their workers have a shared responsibility to ensure safe and healthful working conditions in accordance with the provisions of the Labor Code of the Philippines, as amended, Republic Act No. 11058, and minimum public health standards,” nakasaad sa Labor Advisory No. 22.

“Employers and their workers may implement a policy requiring the wearing of face masks, taking into account, among others, the hazards and risks (e.g., enclosed space and poor ventilation), industry requirements (e.g.. food safety), and incidence of other communicable diseases (e.g., flu and tuberculosis), including measures to address noncompliance thereto pursuant to the existing company policy, rules, and regulations,” dagdag pa rito.