Grit To Glory at Binibini mag-uunahan sa 3-YO Race

ni Green Lantern - @Renda at Latigo | August 14, 2022

Magtatapat sa pista sina Grit To Glory at Binibini sa magaganap na 3-Year-Old & Above Maiden race na ilalarga sa Sta. Ana Park sa Naic, Cavite ngayong araw.

Bukod kina Grit To Glory at Binibini, ang ibang kalahok sa karerang may distansiyang 1,000 meter race ay sina Run Yumi Run, Rainstorm at Headstrong.

Posibleng magdomina sa takilya sina Grit To Glory at Binibini na rerendahan nina Dan Camanero at Rodeo Fernandez ayon sa pagkakasunod.

May nakalaan na P10,000 premyo para sa mananalong 3-Year-Old horse sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

"Malaki tsansa manalo kahit sino sa mga kalahok pagalingan na lang ng trainings nila," wika ni Paolo Ladiana, veteran karerista.

Tiyak na aabangan din ng mga karerista ang 2022 PHILRACOM 4-Year-Old & Above Sprint Race na ilalarga sa pangatlong karera. Ang nasabing event ay may habang 1,000 meter race, ang magtataggisan ng bilis ay sina Flattering You, Weather Lang, Beli Bell, Stardust, Electric Truth, King Tiger, Asiong at Mommy Caring.

Hahamigin ng mananalong kabayo ang P900,000 na premyo, mapupunta naman ang P300,000, P150,000 at P75,000 sa second, third at fourth placers ayon sa pagkakahilera.

Samantala, may siyam na karera ang pakakawalan ng Philippine Racing Club Inc. (PRCI) ngayong araw kaya pihadong matutuwa ang mga karerista sa kanilang pananaya.

Pili ni Green Lantern:

Race 1 - Coastal Road (4), Ariana (3)

Race 2 - Binibini (4), Grit To Glory (2)

Race 3 - Mommy Caring (8), Asiong (7), Flattering You (1)

Race 4 - One For The Road (8), Olympic Gold (1), El Lider Maximo (9)

Race 5 - Munich/Blazing Bullet (6/6A), Amor Mi Amor (5), Quick Buck (4)

Race 6 - Shining Angel (5), Red Hawk (6)

Race 7 - Heirloom/Signature Move (4/4A), Princess Isabelle (7), Iron Hook (8)

Race 8 - Viscerion (4), Double Rock (5)

Race 9 - Phenom (1), Big Hook (2), Rockaway (4)