Grammy Award winner… SHARON, TODO-KILIG NA GINAMIT NG INTERNATIONAL HALF-PINAY SINGER NA SI H.E.R. ANG SONG NIYA

ni Julie Bonifacio @Winner | May 19, 2026

Photo: IG _reallysharoncuneta

Kinilig si Sharon Cuneta matapos gamitin ng international half-Pinay singer na si H.E.R. ang kanyang kantang Maging Sino Ka Man bilang music sa Instagram (IG) post nito tungkol sa ginanap na 5th Annual Gold Gala sa Los Angeles.

Sa caption ng IG post ni H.E.R. ay nagtanong siya, “MORE GOLD (star emoji). DOES ANYBODY REMEMBER THIS SONG... OR JUST ME?”

Nag-react si Sharon sa comment section.

“I do (heart emojis) and I LOVE YOU,” sigaw ni Sharon.

Sa sobrang kilig ni Mega ay hindi siya nakatiis kaya nag-post din siya sa kanyang IG account.

Ini-repost ni Sharon ang caption at tanong ni H.E.R. sa kanyang IG post.

Dagdag pa ni Sharon, “She used to sing my song. Now, she’s so famous and uses said song on her post! Am sooooo giddy! And I LOVE HER!!! Thank you so much, @hermusicofficial. Hope our paths cross real soon! God bless you and your Pinay heart always!”

Natuwa ang mga IG followers ni Sharon sa kanyang post:

“Awwww, Ma @reallysharoncuneta. You deserve all the love and appreciation talaga. So heartwarming to see artists admiring and loving you and your music this much.”

“Gabriella Wilson, I love her portrayal of Belle alongside Josh Groban as Beast.”

“@hermusicofficial collabbbb!!!”

Kasama rin ni H.E.R. sa isa sa mga larawang naka-post sa IG ang Pinay actress na si Liza Soberano during the Gold Gala event. 

Grammy Award winner si H.E.R.. Isa siyang R&B singer, songwriter, at multi-instrumentalist.

Ang real name niya ay Gabriella Sarmiento Wilson. Born and raised sa Pilipinas ang kanyang ina na si Agnes Sarmiento habang African-American naman ang kanyang ama na si Kenny Wilson.

---

32-anyos na si babae, 37-anyos si lalaki…

JULIE ANNE AT RAYVER, KINUKULIT NA MAGPAKASAL AT MAG-BABY NA

ATAT na ang mga faney nina Rayver Cruz at Julie Anne San Jose na magpakasal ang dalawa. 

Naiinip na siguro ang kanilang mga fans since matagal na rin ang kanilang relasyon at nasa tamang edad na rin pareho.

In fact, nag-32 years old na si Julie Anne noong May 17.

Isang heartfelt birthday message ang ipinost ni Rayver para kay Julie Anne.

Pagkatapos ng kanyang mensahe ay muli pang nag-post ang aktor sa Instagram (IG) ng sweet photos nila ng girlfriend niya.

Sa comment section ay umulan ng pagbati para kay Julie Anne. May ilan ding followers ni Rayver ang nangumbinse sa kanilang magpakasal na.

“@rayvercruz PUWEDE na kayo magpakasal para ma-enjoy n’yo muna ang married life n’yo bago kayo magka-baby in the future.”

“Put a ring on it.”

“Gumawa na kayo ng pamilya, ‘di na kayo bumabata.”

True!

Kung 32 years old na si Julie Anne San Jose, magti-37 years old naman si Rayver Cruz sa July 20.