Golden Boy Yape flag bearer ng Asiad closing ceremony

by Gerard Arce @Sports News | October 4, 2026

Photo: POC

Dadalhin ni Taekwondo gold medalist Jeus Gabriel Derick Yape ang watawat ng Pilipinas para sa Team Philippines sa huling araw ng parada ng mga atleta sa closing ceremony ng 20^th Asian Games sa Aichi-Nagoya ngayong gabi sa Nagoya City Mizuho Park Athletics Stadium.

Sinipa ni Yape ang 2 medalya, kabilang ang ikaapat na ginto ng Pilipinas sa Mixed Individual Virtual Taekwondo, para sundan ang bronze medal performance sa men’s individual poomsae event.

“He’s deserving for that honor,” wika ni Philippine Olympic Committee president Abraham Tolentino, kahapon, isang araw bago ang pormal na pagtatapos ng two-week multi-sport event kahapon ng 5 p.m. (oras sa Pilipinas).

“It will be a recognition not only for Jeus but also for taekwondo, which finally won its first Asian Games gold medal since 1994, when the sport became a medal event in the games,” dagdag ni Tolentino, na pinuri ang kontribusyon ng taekwondo team na lumista ng pinakamahusay na performance sa isang ginto, 3 pilak at tansong medalya.

Kabilang sa closing ceremony sina silver medalist Juliana Mykhail Candelaria, ⁠Tachiana Keizha Mangin at Kurt Barbosa ng taekwondo at ⁠Carlo Paalam ng boxing. Flag bearer sa opening ceremony sina Paris Olympics boxing bronze medalist Aira Villegas at weightlifting world junior champion Albert Ian de los Santos noong Set. 19 .